下午出左去中環見工，係蘭桂芳附近，

好少去開呢頭，遲左4個字先到...呵呵~~

今晚食飯未夠鐘，就去左利時行左一陣，

買左幾百蚊野呀~~~~

夜晚等齊人後去左尖沙咀海洋中心<翡翠拉麵小籠包>慶祝mabel生日，

都叫左好多餸菜，但碟碟都勁細，食完都唔飽個隻，

我地一班姐妹送左playboy頸鏈俾mabel~~希望佢鍾意啦，

今晚又係狂笑，笑到牙較都緊埋~~哈哈

食飽飽，等埋阿銘就撘車返屋企lu~~

今日出左去再驗眼，放大個曈孔睇清楚視網膜個d，

原來我瞳孔一邊大一邊細，我以為係大個邊唔好，

其實係細個邊唔好呀，太過細.....

點解咁多麻煩野架，

最後配番隻眼鏡，千幾蚊呀...好貴，

第一次配咁貴眼鏡，要多謝阿銘啦~~~

去左行下廟街，見到間食打冷，好多外國人食，

就諗住好好味啦，叫左3樣餸，

豉椒炒蜆，椒鹽蝦，西蘭花鮮魷，

嘩~個碟蜆呀，難食到想嘔，d肉"梅"架，

西蘭花鮮魷又好淡，d蝦都叫ok架啦，但唔知點解d肉痴住d殼架，

總之下次見到咁多外國人食野既地方，就唔好入去食，

因為佢地唔識邊d先係好味既中國餸，

仲要食左二百幾蚊！！