今日5點3已經起左身，6點未夠已經出左門口，

琴晚又係訓唔著，只係訓左2個半鐘

撘直通車都要好耐時間，要成3個鐘呀，

又上車又落車...去到番禺已經10點幾，

落左車緊係去左酒店放低行李先，

我想像中呢間酒店唔係咁架，之前聽靜宜同morly講都話幾好，

同返到屋企差唔多，只不過係靚左D，

個洗手間超細，間房唔大仲要冇電視機，

去旅行緊係要住似酒店既房架麻！

之後就出發去長隆"歡樂世界"囉~~~

最驚險刺激個幾樣我地都玩晒，

<十環過山車>撞到我個頭痴線...

<摩托過山車>都幾有速度感架，

<U型滑板>呢個我最驚..

之後仲睇左兩個SHOW，其中一個叫<驚爆危機島>，

都幾好睇架，我仲同男主角麥K影左合照添~~哈哈

又曬又熱...真係熱到我痴肺呀..最後悔係唔記得帶遮..帽..同太陽眼鏡...

我地兩個係咁哩係冷氣地方抖下...因為已經冇咩好玩，

等今晚既重頭戲<馬戲表演>！

馬戲表演都好好睇呀，最衰就係我個肚唔爭氣...

痛到我忍唔到要去洗手間，好采最後都睇到完場，GOOD SHOW~~

今日又係yoga堂日子，等埋mabel一齊去左海皇粥店食晚飯，

上堂既時候，有人同我著埋同一件衫呀，醜死怪啦~~

miss話上堂前最好3個鐘頭唔好食野同飲水...

我地兩個星期都有食..哈哈

返到屋企執野成2點幾先訓..

明天要5點幾起身呀!!!

朋友仔決定左都係去泰國旅行，

我對唔住佢地，又話去..宜家又唔去，

我真係好想好想好想去架，我都未去過泰國，

無奈....真係無奈....只有一句對唔住....

夜晚出左去同二姐姐行街，

唔可以再去行街了..唔係我就會三餐不繼...

宜家連買護膚品既錢都冇...嗚...

返黎要快d搵野做..儲錢..儲錢..儲錢..