好耐冇打日記啦, 之前我完全冇時間理日記D野... 咁o岩我個日記d回應充滿左亂碼, 可能搞到d人唔想黎, 依家試下用新視窗, 如果仲係咁, 唔排除轉server~ 

 今日睇到兵工廠入歐冠四強, 好開心下, 之後就番學。

Today the funniest:

今日ge歷史堂, 胡sir同我地玩百萬富翁, 上年2d既同學都試過, 有50:50, 現場觀眾, 打電話XD~ 佢都幾搞笑wo~ 一開頭1000蚊, 突然變左8000蚊, 佢話時間關係, 其實冇準備到2000, 3000, 4000蚊ge題目... 之後就再跳到250000蚊... "用錦囊la!" 表面上有50:50, 現場觀眾, 打電話, 但係打電話個陣, 佢就扮聽電話, 話:"我諗應該係a或者c la!!" 咁都得!then, 用現場觀眾錦囊, 佢就話:"a有1%, b有40%, c有40%, d有10%!" 又係咁!! o個9%去左邊...= = 笑死...

Today the most amazing:

我今日有一件相當奇妙ge事, 我星期一唔記得還一本書, 如果今日還書ge話, 我冇記錯ge話, 應該係遲還, 要扣分(我已經試過遲還野, 所以要扣分)。就唯有認命la... 同個librarian講, 點知, 個librarian話我冇過期, 真係感謝神!

今日, 好眼訓~

返到學校, 第一堂中文, 冇咩特別, 同我個隔離位講緊烏鴉問題, 原來我身邊有好多隻烏鴉, 佢自己本身都係一隻大烏鴉(唔明私底下問我XD), 其實以上大多數都係講笑姐(可能有D真係烏鴉...)!! PTH冇野搞, 中史睇碟, 講八年抗戰, 正爆, 不過未睇晒...

英文, 大排擋Quiz, 超額完成!! 滿分!! 家政交番張工作紙, 藍生係度同陳生打keyboard... Lunch番屋企... 之後EPA勁悶... 搞到阿懋公然係黎太面前sleeping, 比佢發現左!! 居然冇事!! 轉堂期間, 我地就集體訓覺, 場面相當壯觀...!!XD 咁眼訓, 今晚就要早d抖啦, Good Night to everyone...!! 我重要通宵睇波ga~ 所以要養足精神啦...!!

之後有英文test, 個comprehension出畢彼特, 哈哈...!! 但係份test都幾難, 自問天質低等XD, 有兩題留空, 好多題都如"狂牛一般的"撞, 放學同雷x樂, 黃景鉦行, 黃景鉦話immortal係alive咁解, 我堅持話係fearless... 結果番去查字典, 睇到:

...似乎...我褒儂野...(that mean 好lor...)

唉, 希望...Good Luck...!!

第一次打日記XD, 估唔到我未打日記, charlie就入左黎la, 哈哈...!! 諗住tum到去星期一至寫, 但......算la, 改變主意, 就打第一篇日記。"但如果要嚴格d講, 睇黎呢一篇應該係叫NO. 0, 因為數字記錄好似係由NO. 0開始。"(<--廢話)

"去完主日學, 去完番屋企, 食飯做功課, 做完溫下習, 溫完開電腦, 開完去上網, 見到篇頭條, 都仲係關於-- 徐步高事件, on下ICQ, 去周氏日記, 覆左兩句野......" 台灣人玩三字經, 我打五字經記頭先做過ge野, that's all...!! 不過, 平時星期日, 都係差唔多(當然, 徐步高事件就例外...), 悶囉~

如果主日學再見到那個人, 我應該會開心D, 佢好似得一千零一次去過主日學(因為家人唔比, 至於係邊個, 就...不便透露), 曾經每晚為佢禱告, 但佢都係冇黎, 我曾經因此失去信心(只係其中一個原因,  直到上星期先有番d信心)。不過今日主日學之後, 就明白可能係神已經作工, 只係有人硬心敵擋(類似校長所講, 馬其頓人禱告尋求神, 希望有人向佢地講述神, 就差保羅去, 如果佢硬心決意唔去, 神都冇辦法, 因為神比人有自由意志, 係家人強烈反對, 或自己本身有軟弱, 我唔知, 但係我一定會再為佢禱告...!!

以上就係我今日ge得著。最後我想講: 第一次日記, 真係要多多指教+多多睇下la...!!