尋日我同阿ｍｉｎｇ一大早就起左身，

首先係同暫養曲曲－－－ＢＢ出去大大小小，

（暫養原因係因為佢主人去左哈爾濱旅行，佢都係放ｏ係我地屋企１個星期姐∼∼）

跟就係比ｐｒｅｔｔｙ豬同ＢＢ食飯喇∼∼

我地整好晒ｏ的野，睇下個鐘都只係７：００，

其實我地咁早起身ｏ既原因係我今日要去威記照超聲波，

約左９點鐘，我地好準時，８：５５就已經去到ｏ個度等喇∼∼

等左唔係好耐，就有姑娘叫我入房照喇！

我入到去問左ｏ的機本ｏ既就開始照喇．．．

姑娘ｏ係我個肚度ｌｏｏｋ下ｌｏｏｋ下，

佢話我做乜飲咁多水，

如果飲咁多水照會照得唔清楚架∼∼

佢話等佢影好晒相，就可以比我睇睇個ＢＢ．．．

我都等左有成１０分鐘呀，見佢影左好似好多張相咁．．．

最後見到ＢＢ頭仔、手仔、腳仔同ＰＡＴ　ＰＡＴ，

特別清楚係見到ＢＢ個腰骨呀，

好直好直∼∼∼

照完姑娘話跟返之前約左ｏ既產檢時間返黎覆診就可以喎，

話到時醫生會話我知預產期係幾多月幾多號∼∼∼

依家ＢＢ有１４週大喇，我自己就覺得阿Ｂ會ｏ係８月頭出世喇∼∼