又到月尾喇~~又係出糧日子呀~~!!!

睇返月曆,應該仲有唔係好時間,

我地就要擺酒喇~~

不過好似要做o既野都差唔多做好...

但係...講真,我地金錢上可用的都已經用左~~

希望真係唔好再有咩突如其來o既事,

要我地再用錢啦~~~~

***************************************************************************

星期一o個日,我放工返到屋企,

如常見到pretty豬痾到成地都係屎屎,

不過今次佢除左屎屎外,

仲有嘔添...我研究左好耐,都係睇唔出佢嘔左o的咩出黎~

只係知道o個樣野係固體,外面有o的似蠔咁囉~~~

見pretty豬好精神,仲成日要我同佢玩,

所以感覺佢應該唔會有事o既~~~

睇完電視,我就去左訓喇~~老公就幫pretty豬抺身,同洗乾淨個籠...

之後都上床訓覺喇~~

訓到大約1點左右,pretty豬跳左落床,感覺好似想去屎屎咁...

o...pretty豬肚痾呀~~檢查過,好似有o的o的血添呀....

我同老公開始有o的擔心,不過因為睡魔o既召喚,所以好快又訓返了~~

過左大約個幾兩個鐘,pretty豬又再跳落床屎屎,

今次佢去o既量就少o的,不過都仲仍然爛的,當中是有血片...

我地唔敢訓了,但就要pretty豬訓...

佢訓o既時候,個肚仔成日不停咁"咕咕"聲,

隔一陣pretty豬又走去大大~~~

就係咁,我地阿ming成晚都冇乜點訓過,

其實係擔心到唔係咁敢訓~~最終我地決定帶pretty豬睇獸醫,

所以第二日我要同黃小組請兩個鐘假去同pretty豬睇醫生.....

返到公司,我感覺黃小姐好似唔係咁高興咁,

仲黑口黑面咁對住我~~唉~~其實我都唔想架,

同pretty豬睇醫生係我做媽媽o既責任,

同佢睇醫生我都用左唔少錢架~~

依家返到公司,我都真係唔係太知自己做錯左o的乜囉~~~