前日放工,我同阿ming去左上水買野,

咁o既野大部份都係3號BBQ食o既野....

一去到上水,阿ming就話好肚餓,

想食o的撈o既....

我當然會話:「呢o的野乜可以食得飽o既咩?!要食不如食包啦~!!」

阿ming話佢真係可憐,連想食少少野都唔可以....

其實我唔係唔想比佢食,只係我地佢依家係咩環境喎~~

唔應該再咁亂洗錢....撈野真在太貴兼唔飽,同埋味精又多...

食完一定又要買野飲....

到最後都係比我講啱左去買包食~!!

我地買左2個雞尾同一個菠蘿包,

阿ming即場食左個雞尾,其餘兩個佢話留返第二日早餐~~~!!!

就係咁我就攞住兩個包去行街巿,跟住又去凍肉鋪買野黎自己調味....

到左大約7點半,我地就一秋二秋咁搭車返屋企,

返到去我地先煮飯食...食完都成9點幾喇~~

********************************************************************

到左第二日,我見到兩個包,原本都諗住食個先返工,

但又諗到阿ming身上又冇乜錢,

真係怕佢會餓親...所以咪都係留返o個兩個包包比佢囉~~~!!

但點知,到我放工時阿ming話冇見過o個兩個包....

我諗,可以只係跌左o係雪櫃後面姐,

返到屋企一定可以搵得返o既......

我地搵左一次、兩次...跟住全屋都搵晒~~只係見到個膠袋~~~

唉~~~我地知道o個兩個包去左邊了.....

或者可能已經變左屎屎添呀~~(pretty豬個肚裡呀~~~~)