終於搬左屋了~~~~

由我地決定要搬到依家,

大大話話都有成兩個月咁多呀~~

不過我地都只係o係2號先正或攞到key...

呢個幾兩個星期,我同ming都好忙,

第一樣野就當然會係忙返工啦~~

第二樣野就係忙整靚間新屋喇~~

阿ming o個時真係差唔多日日同我一齊起身,

過黎粉嶺新屋油油架~~

之後仲有大清潔~~o係臨搬入去之前o個晚(11月9號)我地o係新屋執野抺野整到成十點先走~~!!!

跟住o個晚返到元朗先食野,返到屋企都仍然要執野,

執到3點先訓.......到第二日7點又要起身再執,因為架貨車11點會黎....

執完,我同阿ming就係咁不停上上落落條樓梯,

由四樓將o的野搬落地下,等到車黎再由地下搬上車...

去到粉嶺又由車搬落地下,跟住又由地下搬到我地屋企~~~

o個日我地總共用左十幾個鐘黎執野架搬屋,

真係累到我地死囉......

不過pretty豬就開心死喇,

因為差唔多全間屋o既地方佢都可周圍走~~~