呱呱呱~~!原來都有成個星期冇打日記喇~!!!!

可能呢排o係公司實在太忙喇...

前幾日o既某一個晚上,

我發左個夢喎,個夢係講我返左大陸住,

每日都要搭車過關返工....

點知有一日我行完街想去返工時,

居然個海o的水係咁不停漲高,o的速度仲係好快添呀~~~!

我見到咁當然好自然向高處爬啦,

但我爬o既地方個香港o既居屋外場(哈!都唔知點解會係居屋~!!)

之後爬到咁上下高,見o的水再冇係咁升高就停左落黎喇~~~

我就自然冇再向上爬啦~~~

同我一齊爬o既人都覺得o的水唔會再升高,

甚至覺得o的水會退,所以佢地就開始向下爬返落地面....

點知o的水突然又漲返上黎...就係咁我見住o的人比水卷走左~~~~

其實我企o既地方係人地屋企o既窗台位,

o個時咁啱屋住見到咁,就叫我入屋坐下先,

原來屋主都有養狗狗的,仲係曲曲黎架~~!!

曲曲好熱情,同埋好似玩極都唔攰咁.....

個夢去呢到我就醒左,

睇睇鐘,O.......已經係7:35am

今日實遲到喇~~~!確實o個日真係遲到左,不過只係遲左15分鐘姐~~~~