中秋節一連放左兩日假,

不過其實都只係放左一日,

因為兩日其中一日係星期日黎架~~!!!

星期六o個日,我又係一大早就起左身,

時間就同返工時冇咩分別,原因係我地要返大陸參加三表姐同姑姐o既婚禮.....

我同阿ming大約8:45am就去到左三表姐屋企,

原本諗住媽咪佢地都應該已經到左架喇,

但等左好耐佢地都未到....

到左新郎過黎接新娘時到.....唉~~~!當時場面都真係有o的亂架~~!!

到左新郎新娘"針"茶比長輩o既時間,

首先梗係"針"比大姨同大姨丈飲先啦~~!

見表姐比杯茶大姨飲時,大姨同表姐都有眼濕濕,

但表姐好勁,強忍住o的淚水....周圍o既人都比呢個場面所感動,大家都有點眼濕濕呀~~!!!

表姐出左門,跟住我地就食野喇~~!

哈哈,我地約六個人食一個大盤菜呀~~!!好好味呀~!!

之後潔瑩就幫我地重新整靚o的個頭....

大約三點,三表姐回門喇...呱~~~表姐出門時已經好多金器架喇,

依家回門返黎多左好多呀~~~!o的金鐲多到要掛上頸呀~~~!

我地等呀等~等到4點佢地都好似未捨得去酒樓......

唉~!佢地好似唔記得其實我地仲要去我姑姐o個邊~~~!!

搞到差唔多5點先去到酒樓,好快咁影過幾張合照就準備去姑姐o個邊......

到左姑姐擺酒間酒樓,呱~~見到姑姐身上o既金器比表姐仲多,更金光閃閃~~

媽咪佢地o個姑姐呢邊衝衝影左幾張相,

又要趕返去表姐o個邊喇~~~!得返我同爸爸、阿ming o係呢邊~~~~!

姑姐呢邊o的野食冇咩特別,不過酒類就有多少少o既選擇囉~~!!