每日返工放工,我都會坐巴士~!

巴士路線(由元朗開出)係經元朗巿,

再去博愛醫院、錦田、錦上路西鐵站、

横台山、消防學校、蕉徑、彩圃苑、

上水郵政局、天平村、粉嶺醫院、

聯和墟,最後就總站祥華村~~~!

每日返工都會見到同一班人,

因為我大多都會搭7:45am o個班車,怕o既就係太晏會遲到~~!

每次當巴士到左東成里o個個站,

我就會留意有冇人上車,

因為呢個站上車o既一個男仔多數會簡同我坐的~~!

佢個樣同我以前住o係上水圍o既一個男仔好似樣,

不過我冇去求證到~~!只係有點點祈望今日佢都可以坐o係我隔離~!!!

原因係第一,如果o個日佢唔係坐o係我隔離,

就好有可能去到吳家村,有個成日一上車就傾電話傾到落車o既女人上黎坐o係我隔離!!

我係勁唔鍾意呢個女人囉~!

第二,呢個男仔都幾靚仔架,

佢落車地點又同我一樣,又唔怕之後會有o的唔知咩人坐o係自己隔離呀嘛~~!!!!

今日唔知自己發夢定係真有其事啦,

我感覺到他拖住我隻手呀~~!哈哈~~~!