今朝早Joies出左去幫Jetworld送文件,

o的文件其實根本就唔需要Joies出去送o既,(我地有阿超可以出去送的!)

不過只係得佢一個係住九龍,

住得最近灣仔o既一個,

所以黃小姐就叫左佢出去喇~!

佢未返到黎,個整電腦o既楊生就過左黎幫佢整佢部電腦....

佢部腦都唔知點解成日都有問題,

唔係上唔到網、就係print唔到野....

到楊生整好左,Joies就返到黎~!Joies用o的嗲聲嗲氣o既說話對住個楊生,

佢話:「點解會成日上唔到網架??點解每次你一走左,個電腦就有問題架?」

佢仲話:「我唔佑你呀~!你下次黎唔好收我錢呀!」

佢最姣o個句係:「部電腦只係聽你話,只係認你隻手,咁不如你去影印低隻手比我啦~~~!」

我真係唔係咁鍾意呢o的咁姣o既人,

同埋Joies係個"世界女"黎架~!o係我心目中,佢只係個見高就拜見低就踩o既人黎架囉~~!

呢o的咁o既人,我係唔會欣賞的~!