o係一個星期前,

爸爸就已經約好我地同舅父o係7月16號一齊去南澳玩...

o係16號o個日,我同我老公未到9點半已經去到婆婆度,

一心諗住佢地最多都係10點左右就會齊人出發去飲茶,

但點知原來仲要等埋平姨丈佢地...

其實我覺得平姨丈都係屋企人,等埋佢我一o的都唔覺得有問題,

不過,平姨丈冇出聲就帶埋佢o的朋友黎,

咁就覺得好有問題囉....

第一,我地係冇叫平姨丈佢地去架,佢係不請自來的~!!!

第二,佢會帶人黎都好應該同我地講聲,好讓我地準備車嘛~!!

第三,佢o的朋友食完野又未比錢就走,車又係我地出,擺明就搵我地笨啦~~!!

*******************************************************************************************************************************

我地3:00pm由深圳出發,去到南澳總共用左1個鐘頭多時間,

全程我地都覺得好開心,

因為我地係坐舅父架車,全部都係我細妹、細妹男朋友&舅母....

大家都有傾有講架~~!

到左南澳,我地第一時間去搵個沙灘玩下水先...

我地o係個沙灘度拾左好多好細o既蛽,拾o既時候佢地係仲識"旭"架....

仲有仲有,我同左隻大海龜影相呀~!

我地玩水o既相就當然係唔少得啦~!哈哈哈~!

不過沙灘o的沙好粗,係唔可以游水o既沙灘黎架~~~!

玩完我地就去簡海鮮預備晚餐,

平姨丈o個幾個朋友都有一齊間,佢地都唔係每樣野話要o既,

不過當有樣野大家讚成話要的話,

佢地就話:「咁少..唔夠架...多o的啦~!」

但o的錢又唔係佢地出架喎~!

今日全數買野食都係我爸爸比架....!

食完飯,佢地都好似唔係好想同我爸爸計返數咁,

咁阿琛攞左o的單出黎,我就乘機話:「咁多錢,唔係爸爸一個出晒嘛?!」

阿琛話我講得好大聲,

其實我係"突登"架,我係要其他人聽到嘛~!依家真係得爸爸自己一個出晒錢喎~~!

粉紅色袋o個個就係我舅母喇~!你睇佢依家幾開心~!左邊o既妹妹點解會咁望鏡頭架?!

呢張相妹妹同舅母影得都幾好~!不過阿琛就....我諗佢可能係好累喇~!

我同潔瑩一到報就影左呢張相喇~!我靚唔靚先?!後面個頭係爸爸黎架!!!

我發現到隻大海龜呀~!但點解咁大風架,搞到我爭唔大對眼呀~!

我地拾蛽o既沙灘呀~!大家見唔見到潔瑩依家好努力呀~!我同阿琛就梗係要影返張相留為紀念啦~!

好彩我今日係著短褲黎玩姐,如果唔係我就落唔到水,影唔到呢張相喇~!

我同我老公呀~!隔籬就係我地食晚飯o既地方喇~!

我地三個係坐o係車o既最後面,不過都好舒服架~!

你睇我同我老公個樣有幾開心~!

合照~!不過阿金個樣就最搞笑~!

你地睇下,潔瑩只係得個頭咋,但我地個個都四萬咁個口呀~!哈哈哈~~!