尋日o係英曲大聯盟度得知盟主痛失愛犬---fefe

睇到我都覺得好唔開心,個心好up...

因為我都好明白盟主依家o既感覺...

今日上去再睇到盟主寫的同fefe以往生活o既點滴,

以及當盟主發覺fefe生病直到fefe去左彩虹橋呢段文字,

我真係睇到眼濕濕,要攞住紙巾抺眼淚...(或許我係個較易喊o既人啦)

fefe o既離開,令我有o的擔心一旦有一日pretty豬或者simpson要去彩虹橋,

我又會有幾傷心...

我都真係唔知自己會唔會同盟主一樣失落...

simpson已經5歲幾,希望simpson以後都冇病冇痛,

開開心心咁同我地一齊生活~!

而pretty豬因為只係得兩個多月大,

係最易受感染o既年紀,我承諾會好好照顧pretty豬,

佢呢一生呢一世我都要比佢只感到幸福~~!