星期六,我忙左成個上晝~!

返到公司唔夠一個鐘,黃小姐就話要我同佢一齊出去銀行入錢!

原本諗住只係入錢咁簡單o既事係唔會攪好耐,

但點知原來o的錢係用黎贖單!

入左9萬落去,跟住打電話去銀行贖單!

銀行職員check完公司account話:「唔好意思呀小姐,你公司個a/c唔夠錢贖單喎~!」

我聽完就問佢個a/c仲欠幾多先夠,但o個位小姐唔肯話我知.....只係叫我留電話,等另一位跟我公司的銀行職員聯絡我~~~!

等等等...接過電話,o個位小姐話尚欠的只係3千多.....

o係銀行等公司的同事攞錢黎入,等左差唔多45分鐘~!!!返到公司,剛好12點~!

忙左成個上晝,就只係忙呢o的事~!真係覺得有點無聊.....

返到公司之後,見到我o係英曲大聯盟識o既朋友上左msn,

我同佢傾左陣計,傾o既都係圍繞我地o既"仔仔"&"囡囡".....

我同佢都傾得好投契架~~!

放左工,我就同我老公返左大陸買野,我地都買左幾多野返黎架~!

大多數到係pretty豬要用o既野---濕紙巾~~~

返到屋企,第一時間都係同pretty豬整糧~!

我地依家教梗佢要坐好先可以食"飯",我有想比大家睇架~~!

我已經好乖咁坐左o係度,快o的比我食啦~~!

我等唔到喇,比我聞下先呀~!