星期六o個日,

潔瑩放左工就入左黎元朗同我地食野....

大家都唔知食咩好,所以就簡左一個既涼爽又坐得舒服o既地方---M記

不過去到時都幾多人,因為有小朋友開生日會吧~~!

好唔容易,我地終於有得坐同有得食喇~~不過都只係搭枱坐~~

 我同老公及潔瑩坐呢邊,而o個個女人就坐另一邊!!

唔知係我地得罪o個女人,定係o個女人佢自己有心事啦,

佢全程都黑住塊面對住我地...

我地亦將佢黑面事個討論話題~!

最後,唔知係唔係我地討論得太大聲令個女人在不知不覺間走左~~!

************************************************************************************************************************************

到左大約6點,我地就開始準備晚餐~!

由於星期日就係大暑,

我地就簡左冬瓜加瘦肉滾個湯~!

仲有水蛋、炒菜、炒蛽、麻婆豆腐4味餸菜~!

其實我覺得6個人食都應該好足夠啦,

但點解我老公個阿媽會話:「阿仔,你好窮咩?今日o的餸都好齋下喎~!」

佢地成日食剩o的野,今日o個餐都有食剩野,

咁煮咁多野咪好浪費囉~~!

************************************************************************************************************************

我真係好唔鍾意人浪費~!

我亦覺得要量力而為,

冇咁大個大就唔應戴咁大頂帽~!!

冇咁多時間打理o的狗,就唔好養咁多隻啦~chow chow係咁,毛毛又係咁....

o的狗狗好可憐架嘛~!