近日,我識左個男仔~~!

佢其實係我朋友個朋友黎o既~~

佢係由加拿大返黎香港o既,

主要返黎o既目的係為左佢o係o個邊間舖添新用具,

順便返黎探下親戚及見下我的朋友囉~~~~

(我朋友是在網上結識到這個男仔的~~!)

呢兩日都個同o個男仔傾電話,

講o既大多係圍繞佢o既新鋪頭,例如去邊買野平等等!!

當然都唔會冇講我個朋友啦~~~!

我地亦有談論到邊一到o既女仔好o的,

男仔就覺得日本女仔應該係最好,

因為日本女仔以家庭為主,永遠都將家庭放o係第一位,

對外能幹,對內相夫教子了得....

相反,香港女仔就比較著重物質,對金錢看得好大!!

香港女仔最祈望就係能嫁個有錢人....

但我就覺得男仔所講的,我只能認同一半~!

講真,香港有錢o既人都算多,不過冇錢o既人就更加多,

o個o的女仔有咁o既諗法,我應為都算係好正常呀~!

每日個人都唔想自己生活過得艱苦的,

更加會想見到屋企人都可以生活無憂....

最直接不過的就係嫁個有錢人~!

其實我都會有咁o既諗法架,只係我冇咁好機會遇到!!

所以我簡左我鍾意o既,就算係捱都係我地兩個一齊捱,

我覺得咁都係值得o既!!!