前幾日上網睇到元朗流浮山有一度有紅樹林,

好似會係幾靚咁,所以打算星期日同阿ming入去睇下...

但o係星期六晚,阿ming家姐又話星期日一齊入屯門飲茶喎~~~!

其實同佢家姐去飲茶都好o既,

因為唔駛洗我地o的錢嘛~~~!月尾喇,銀兩已經所剩冇幾喇!!

去完飲茶,我地打算o係屯門o的商場行下,

行到咁上下就買餸返屋企煮飯,等佢阿媽返黎食飯~!!!

但點知行到4點幾佢阿媽都未有打過電話比我地,

於是打比佢問佢會幾時返啦.....哈!!原來佢同佢o的同事食完飯先返....

所以跟住我地o既行程就變左喇,

變左去阿ming家姐屋企食...((只係叫飯盒返黎食~~~!))

不過先要返屋企帶pretty豬出黎,因為小姐話好想見pretty豬~~~!

pretty豬o係小姐屋企四周圍咁跑,係好開心咁跑喎~~~!

跑到差唔多我地就比佢游下水!!今次游水pretty豬已經唔驚喇,

不過都係飲左好水落個肚到囉~~!!