早o係幾個星期前,我已經應承左潔瑩星期六返屋企,

原因係佢話佢識整pizza,叫我星期六一定要返去....

我同阿ming食完個下晝,買埋餸返到屋企都未見到潔瑩返到黎~~!

潔瑩同琳琳差唔多成4點先返到黎屋企,

潔瑩換過衫,好快就走左入廚房準備o的pizza材料,

大約半個鐘左右,潔瑩就搞掂個底比我地放料上去喇~~~!

其實琳琳姐今日黎,一心係要學整pizza,

不過唔知係佢懶,定係被電腦吸左去...

o係整pizza過程中成日都走左去電腦o個邊,

叫左佢返黎,冇幾耐又走返過去....其實如果佢唔係想整o既,

佢可以放低唔整架~!(話要學o既又係佢,依家有得學又走左去第二度~~~!!)

我都整左兩大個pizza,都幾靚架!(o的相聽日先放上黎~!!)

食過飯,我地就開枱打麻雀...

玩到大約11點,琳琳姐叫左人黎車佢返屋企....

我同阿ming好好彩,車琳琳姐返屋企o個個人話可以車埋我地,

所以我地只係用左半個鐘時間已經返到元朗~!

我搞好晒o的野都差唔多12點幾,諗住打比琳琳睇下佢返到左屋企未啦,

點知佢話要車埋佢阿爸阿媽先返屋企.....

我覺得琳琳有點兒過份,人家已經由屯門開車過黎車佢返屋企,

諗住可能會有少少兩個相處時間,

但點知一而再(我同阿ming),再而三(佢阿爸阿媽)比人阻住....

依家就只係變左佢o既司機囉~~!

其實我都有點過意唔去,真係覺得自己有少少阻住人地..

琳琳姐好唔識做囉,雖然話有人車返屋企姐,

但都唔駛用到咁盡呀~~!

不過我覺得琳琳姐自己一定唔會咁覺得囉!可能仲會話係人地話可以囉~~!