前日放工,o係我搭車時覺得好鬼悶,

所以就係咁搵人傾電話.......

打左比琳琳,但同佢傾左唔係好耐就收左線..

打左比黎健明,都係傾左陣就收左線,

因為佢仲未放工,未得閒同我傾電話...

跟住就諗唔到再可以打比邊個~~!!

忽然諗起都好耐冇打過比張雅欣,

咁打比佢啦~!

原來佢o岩o岩放工,已經o係屋企~!

我問佢係唔係仲o係百佳返工,

佢話仲係呀,不過都只係兼職...(但都返成10個鐘喎~!)

再問佢o係邊個屋企,佢話o係阿傑屋企....

跟住我地就繼續傾啦~~~

原來佢已經搬左過去阿傑屋企住,

仲會o係12月8號同阿傑註冊...

所有野做得咁急,原因就係阿欣有左呀~~!

依家已經3個幾4個月喇,

其實12月註冊時,個肚都應該已經好大....

不過我都覺得佢幾開心,作為朋友o既我當然都會"鄧"佢開心啦~!

但阿欣阿妹就唔係幾睇好呢段婚姻喇~~!