尋晚最終都冇返到大陸食飯,

我地只係o係千色後面o個間酒樓食飯~~

都冇乜野食過,因為我地係打邊爐(唔係任食o個隻),

出錢o個個(阿ming阿媽)叫我地唔好叫咁多喎.........

阿ming個掛名老豆仲衰,佢話佢未出糧架,

唔好預我比呀~~~!

講真,我都唔係好想出去食架,見係唔駛我地比錢咋~~!

如果要我比o既我一定唔去囉,佢又唔係阿ming親老豆,

我生日咪又係只係o係屋企食,

又有邊個話同我講生日快樂,出街食飯慶祝呀~~~!!

依家出席食飯咪算係比面佢囉~~~!

尋晚最諗唔到o既就係連小姐(阿ming家姐)都有過黎一齊食飯,

以前小姐話同佢掛名老豆冇乜兩句架嘛,

依家居然會過黎同佢食飯,真係少見喎~~!

夜少少就連小姐男朋友都黎埋一齊食,

食到大約9點幾就返屋企了~~!

餐飯7個人食,只係食左$500左右,你地話可以食得幾多野呀~~~~~!