尋日發生左兩件我覺得都幾大o既事,

第一,就係尋日熱水爐個開水位難左,

搞到阿ming連工都返唔到.....

阿ming打比佢個掛名老豆求救,

最終得到答覆係：我唔返黎住呀,你自己搞掂佢啦~~!

哈~!我覺得個屋企唔係只係得阿ming一個人架,

點解凡事都係只係阿ming一個人去做喎~~~!

真係事無大小都係佢一個人一手包辦,

大至好似今次難水喉,小至今晚要食咩飯菜都要佢去諗.....

尋日搞到阿ming成日都有野落過肚添呀,

要等到我返黎,佢先有o的時間食野....(o係佢屋企,真係覺得佢地個個都好自私架~!)

第二,就係尋晚地震呀~~!

o個時我同阿ming食梗M記,

我問阿ming感唔感覺到張枱震呀??佢話一o的都唔覺,可能只係電話震姐....

但枱上冇電話的...

跟住睇電視話錄到香港以南o既一個小島有3.5級地震,

香港各地區都會感到像貨車經過般的小小震動~~~!

其實我都只係覺得張枱有小小震,

都唔可以似有貨車經過o既震o既......

不過有少少興奮,因為真係冇諗過香港都會有地震架~!!!