都有幾日冇打日記喇~~!
前段日子都o係度整梗個日記顏色,連日記都冇時間打呀~!
依家o的色都算係合心水o既.....不過我都應該會再改一改佢....
17/9,我做左件好有意義o既事,
就係去做義工同o的狗狗沖涼,同埋個狗場會搬新址,
我地去幫手收拾下o的野....
當日我地分成兩組,男一組女一組,
女o既就留o係舊址同o的狗狗沖涼,
男o既就責任好重大啦,佢地係要將成100磅狗糧搬去新址,
同埋清理新址o既雜物囉~~~~!
我地由11:00做到14:30左右就完成晒o的野喇,
都算係幾快手架~~~!
不過同我同行o既英曲會員annie就有o的不快喇~!
因為o係我地同狗狗沖涼時比佢聽到白爹利會員話我地英曲會員著唔啱o的衫黎喎~~~
跟住annie問佢地野又十問九唔應,
搞到annie覺得好似分黨分派咁囉......
不過最令annie唔開心o既就係阿ming成日話阿Boo o係Pluto媽屋企隨便小小o既事喇......
再加上annie仲未有男朋友,阿ming又借題黎開佢玩笑....
令到annie鬼咁尷尬......
之後o個日我即刻同annie講唔好意思添呀~~~!
希望annie真係無介意啦~~!!
|