尋日我又同左阿ming&佢阿媽返大陸行街食野喇~~!

原本其實諗住同琳琳姐一齊去o既,

但點知佢又要同埋佢阿媽及佢o既麻煩阿妹去喎,

所以我索性話唔同佢一齊去喇~~~

後尾知道原來佢都有同佢阿媽佢地返左去玩~~~!!

***********************************************

尋日首先到係去左海上皇飲茶,

因為o個度o的野真係幾好味同低食~~!

跟住就去左東門買低衫褲,哈~!我奶奶好犀利,淨買呢o的都買左成$200-

我就當然唔會咁crazy啦,只係買左個奶罩咁多多姐......

跟住我地就坐地鐵去華強北路,

o個度都有幾多野睇架,例如我地最鍾意行o既百佳啦,

大型o既百貨公司啦,賣電器、電腦o既都有啦,

連根本唔會諗有得買o既正版迪士尼衫都有......

夜晚我地都係返返去樂園路食海鮮,

每次都會例牌會叫1斤基圍蝦、1打扇貝、1斤聖子及菜,

今次就再加左4隻炭燒蠔+1隻乳餄.....

到最後都係唔夠,叫多左1打扇貝哈哈~~~!我地係唔係好犀利呢!!!!!

*************************************************

下次再返黎的話,我諗我同阿ming一定會過去華強北O個邊行下先,

因為呢邊真係有好多電腦o既野買,

同埋真係好鬼平,又對阿MING返工可以買到平野喎~~!

但係下次都應該要到下個月先得架喇!!!