放左幾日假,但都好似冇乜點放過咁...

因為星期六訓醒覺,就要預備帶pretty出去打針,

今次係pretty豬要打o既預防針o既最後一針....

同佢針完我地先去食野,同埋買餸.....

o個日買一條魚、2斤菜、4磅雞翼,仲有蕃茄牛肉....

呢o的已經係我地兩日o既餸黎架喇~~!用左都唔少錢架!!

到左星期日,我同阿ming一早就要起身,

因為應承左幫手阿二姑裝修新狗場~!

等埋pluto媽,三人行就搭的的入新生村,

入到去原來二姑自己一個已經圍左其中一邊o既木板,

佢話都用左十幾日黎圍呢o的木板架喇~~!

我地用左成日時間,終於整好左大部份,

睇睇錶,都已經係4點幾喇~!我同阿ming都冇乜點食過野就黎幫手....

所以做完都真係幾肚餓~!

o個晚因為張雅欣呢個大肚婆黎左食飯,

所以我地之後o既娛樂就打馬吊...

唔知係唔係張小姐佢有左小朋友呢,手氣特別旺o既...一家win三家~~~

到左尋日,原本諗住唔出街o既,

但阿ming話我地都會諗住搬架喇,

不如去粉嶺一帶睇下o的地產同埋睇下o的環境呀~~!

我地睇左好幾間屋,有兩房一廳,有兩房兩廳連天台,有一房一廳....

一房一廳o個間租2千1蚊,都唔係好遠,

不過個廳同廚房連埋,一o的都唔似有廳...

兩房兩廳連天台o個間,o個兩個廳都好細,

放得電視黎又好似放唔到梳化咁....仲要租成3千4添呀

而個兩房一廳就算係幾好,

兩個房都可以放到一張兩呎牀...

我地都幾鍾意,同埋租金只係3千蚊,

比之前o個o的都算係合理架喇~~!

不過呢間個業主話可能會有個朋友想租,

我地要等等先覆到租唔租到比我地....

唉~~!睇啱都未必可以租到...真係有o的失望....