我每日返工都會有一個習慣,

就係上去英曲大聯盟度睇下其他會員呢排有乜搞...

咁因為上星期六、日我都唔駛返工,

所以就有上到去睇(其實唔係唔想上,而係屋企仲未可以上到網)

到左星期一返到公司,

上到英曲大聯盟個網,見到有隻白色北京狗狗被人遺棄,

依家等梗人收養.....

我就諗返阿ming以 前都有養過北京狗,

只可惜o個時隻北京狗怕行雷,同埋有心臟病.....

咁隻北京狗就o係一個行雷o既夜晚,心臟病發去左彩虹穚了....

依家見到隻咁可愛北京狗,

心諗不如問問阿ming想唔想收養埋佢啦~~

但阿ming就同我講,其實我地係唔係會想比pretty豬生小朋友先?!

如果係會的話,咁我地就最好唔好收養隻北京狗...

因為我地地方實在有限...一係唔比pretty豬生....

我地都好15/16...但最終都係諗住要比pretty豬生.....

不過依家已經過左好幾日都未見話有人領養左,

我真係有o的心郁郁想攞佢返黎呀~~~!