今日我唔駛返工,原因係我o係17號時要擺酒,

所以我攞左16同19號呢兩日假....

17號當日我地個個都好開心,

由等新郎黎接新娘,到大家去到酒樓,

無個過程都好順利~~直到開始開席,大家就對酒樓o個邊有o的不滿喇~!!!

************************************************************************

當日,我係新娘,當然我會o係我媽o個邊等阿ming過黎接我啦~~

我地約好大約9點佢地要上黎接我...而姊妹們要準時8:30am黎到我屋企~!!

接新娘時玩o既遊戲我早一日已經預備好晒,

姊妹們黎到只要聽伴娘講講大家要做o的乜就已經可以...

8:50am,各姊妹已經預備好晒~

9:00am,仲未見有兄弟上黎接新娘~不過就有攝影司上左黎幫我拍野,攝影司同我地講叫我地唔好咁急,兄弟會好快上黎的~~!!

約9:15am,兄弟終於上黎喇~~佢地o係門口玩遊戲,玩成點我就唔係太清楚,因為我o係房裡面,冇得睇~~

佢地玩到大約9:50am左右,新終於入到黎喇~~

阿ming o係門外同我唱左首"至冧情歌",

哈哈,呢首歌係阿同潔瑩點名要佢唱架,哈哈~!!

不過佢都唱得幾好聽~!!

玩晒o的遊戲後,我地就開始"針"茶比我屋企人飲喇,

當然佢地亦會為我帶上金器啦~~哈哈~~

做晒所有野,大約11:00am我地就舉腳開車去男家,即係我依家住o個度喇~!!

去到我地都冇做特別野要做,

只係要"針"杯茶比佢阿媽同佢個唔同姓o既阿爸...

跟住我地就開車去食飯喇~~!!

食完飯就係我回門o既時間喇,

我地坐車返到我媽o個邊,隻36斤o既金豬原來等左我地好耐了~~

阿姐自己一個抬隻豬上樓,

呱,佢真係好鬼大隻,亦都好好人,好多野講~~

佢o係媽咪度幫我地分埋隻豬,

仲邊切邊同我地傾計,黎左我屋企o既親戚們都好開心~~

大約2:30pm,我同阿ming及伴郎伴娘帶住豬頭豬尾返返去我屋企,

去到仲分埋比佢阿攞返去添~(其實我唔係幾想架!)

3:30pm,我地就開車去酒樓喇~~!!

上半場,所有野都好順利~我地各人都好滿意,時間亦配合得好好~!

*************************************************************************

下半場

去到酒樓,當然第一時間同o的親戚們影相先啦~

我o個時都依家係未換第二件衫,

因為同我換妝o個個仲未到~~

不過我都同左我大部份親戚影左相先,

等到個化妝黎到同我換左妝之後,

我就換左婚紗出去同佢地影相喇~~~

當晚我都覺得自己好靚架,

我總共有4套衫,4件我都有o係酒樓著過架~~

時間過得好快,都差唔多入席喇,我同阿ming就預備進場~~

o係外面等左約10分鐘,裡面就播住我同阿ming細個o既相,

當然仲有婚紗相啦~~

進場~~冇音樂o既?!不過我地預備左o既彩"豹"就接二連三咁放左出黎,

咁當然我地就會以為係叫我進場啦...

入到場內,我地飲過合緊酒,就各自講出對屋企人感謝o既說話...

我都唔知點解自己講講下咁快就喊左出黎,

我望見四周圍有認識我同我屋企人o既朋友,

眼都有o的淚光,唔知我所講o既野係唔係真係咁感動人o既呢?!

之後接落黎o既就係起菜~頭盤當然係乳豬啦,

不過上豬時唔知點解冇上豬音樂,而只係有翡翠台o既電視節目...

唉~~由呢到開始,我地就對呢間酒樓有o的失望喇~

不過我地真係實在太忙,食得一兩道菜就要出去敬酒,

或是有朋友想同我地影相...

又或是我要去換衫....總言之就好鬼忙啦~~

好唔容易大家都食過糖水,預備離席,而我地就更係要去送客啦~!

送客時我已經覺得阿ming應該之前飲過好多酒,

因為佢不停要人留低同佢再飲,唉~咁o既場合又唔鬧得佢喎~

唯有等送晒所有客,先問佢係唔係飲大左啦.....

返到去休息室唔夠一陣,

阿ming已經開始嘔,仲唔只嘔一兩次....

有彩當時仲有其他兄弟我手將佢抬上房,如果唔係可能就要酒店o的人幫我手架喇~~

上到酒店我都唔係咁快可以去訓覺,因為阿ming都仲要嘔,

我諗起碼去到3點幾4點阿ming先停左落黎...

但係佢可能實在飲得太多,幫佢蓋被佢又會成身汗,

唔蓋又怕佢會冷親....唯有幫佢抹乾身先比佢再訓.....

第二日大約11:30am我地先離開酒店,之後返左我媽度攞衫去還衫~~!!

**************************************************************************

其實擺酒當晚仲有事發生的,

就係我同阿ming入左休息室後,

阿飛飲大左,又為我地幫我地同酒樓傾數,

就亂講左話:我係邊到邊到大架,我識好多人架~!

酒樓o的人以為佢係黑社會,有跟人,

所以就報警...唉~~佢地搞到第二日7點幾先離開差館,

真係覺得唔好意思呀~~搞到佢地要o係差館過夜.....

到依家我地都唔知件事會發展成點,

希望阿飛會冇事,冇人會再追究件事啦~~~!!!