尋日突然發現左o的底底有血呀...

話說尋日一早我要出去鰂魚涌交文件,

黃小姐同我講要我9點幾去到,

越早就越好...

我未夠8點就上左277X,跟住去要藍田再轉地鐵...

全程所需時間約個半鐘....

搞掂晒o的野我就撘返車返公司,其實我覺得好熱,

可能係地鐵o的冷氣開得細,同埋我著左羽絨o既關係啦..

我成身都出晒汗,咁平時我熱時腿間都會出汗的,

今次我都以為只係汗啦,所以冇理到佢...

返到公司放好晒o的野,我就走左去廁所...

除左條褲,我見到有血喎~~應該都有3至4滴咁多喎~~

我問左我同事點好,跟住又打去健康院問我應該點做....

健康院就建議我去急症睇下做咩事會咁...

我同完黃小姐講呢件事之後,我就自己一個去左急症室喇~~

我o係急症室登記完冇耐,阿ming就黎到喇!!

阿ming同我一齊入去睇醫生,一齊問醫生點解會發生咁o既事~~

但醫生話應該冇問題o既,如果o係12週或以前就要小心o的,

因為o個時個胎都未算穩,

依家我已經有18週,應該唔會係咩大件事,但我地都會做一做檢查先...

我地出去等左一陣,姑娘就叫我地去做檢查...

首先醫生檢查個陰道仲有冇出血,之就再去照超聲波BB依家咩情況~!!

陰道冇再出血,BB亦好健康,

不過照超聲波時見到個B個位置比較低,

可能今次出血原因都會因為咁....

跟住醫生話其實多o的休息,應該過多一兩個星期,BB自然自己會上返去,

叫我唔洗擔心,如果下次又好似今次咁有少少血,

唔駛咁緊張,等去健康院時同姑娘講就可以喇~~

不過大量出血就一定要黎急症室喇....

醫生話會開幾日假比我好好休息,但我話只係開尋日已經可以喇~~

因為我覺得自己又唔係有o的咩事,

放咁多日我實比黃小姐話呀,o個個八婆實又會o係黃小姐面前話我大驚小怪,

小小野又要放幾日假架喇....

唉~~我真係唔係咁想有個咁o既同事囉~~