唔知係我做錯,

還是我同佢就算有咁多年朋友.

都根本唔了解對方呢?

尋日同佢傾電話,最開頭話題係乜我已經完全唔記得了,

不過呢個電話令到我收左佢線...

我地對話當中提及前四得六o既產假事宜,

佢話佢唔知係o的咩,我解釋左比佢知道....

之後我同佢講我應該放完產假就唔會做野住,

同埋放產假期間,公司仍然係要出糧比我,

如果我放埋產假唔做,公司應該o係最後一個月補埋我大假o既人工比我.....

講到呢到,佢唔知做乜講左句:你咁叻咁識計數,你可以依家唔做架~!!!

佢呢句說話令我好反感,我第一時間話左比佢知我覺得佢好似"了"交吵,

跟住我記得佢同我講:咁咪唔好傾囉~~

我冇比時間佢講,我就話:我都唔想講,係咁啦~!!

就係咁,我就收左佢線...

之後佢仲有打返黎,不過我就冇再聽佢電話.....

我覺得我同佢各有意見,

我唔知佢係出於善意還是其他,

不過我同佢真係已經唔係第一次為呢o的小小野而嘈成咁.....

我感覺佢自己意見永遠都係啱o既,

其他人未講完佢就話咁係唔啱唔得...

真係好想佢自己諗諗每日都會有自己意見,

比自己意見同睇法時,唔好用o的自己一定啱晒語氣同人講野,

唔係每個人都要受你架~!!!