唔經唔覺,

我肚裡面個B已經有21週4咁大喇~~

o係17號擺酒之前,

我都有去唔到大大呢個嚴重問題...

不過擺酒當晚,當所有野完晒之後,

我就好快可以去到大大,仲去左兩次咁多添~~

不過過左o個次大大之後o既日子,

我都唔係日日有大大去,或者有都係我迫自己一定要去架咋...

前幾日就算我迫自己去,都係去極都冇呀...

就係咁經過多日去唔到大大,

我心情都開始唔係咁好,

個肚谷住谷住咁...明知肚裡應該有好多野可以痾出黎,

但去唔到o既感覺真係好難受...

於是我決定買西梅汁飲~~!!!

我臨放工時，將一支大支o既西梅汁o既大約5分2飲左...

跟住就照常去食飯,行街...

等到大約9點左右,哈哈,個肚終於有o的反應,

跟住我梗係去廁所試下去唔去到喇~~~

西梅汁真係有效,令到我可以將o的廢物痾晒出黎~!!!

到左第二朝早,可能之前雖然係有痾到,

不過未完全痾晒,所以都去左兩次廁所.....

我認為,一生一大樂事除左係訓覺之外,

首樣我會認為係可以去到大大o個種感覺囉~~!!哈哈~!!