又到今個月月尾喇~~

聽日就係出糧o既大日子...真開心

我個肚一日比一日大呀,

o係年初四朝早,我同阿ming去左威記覆診,

o個日醫生話左比我知我個預產期係幾多號,

仲話比我知我個肚依家大約有幾多週~~~

原來唔經唔覺今日已經有15週咁大架喇~~

初初知道有左bb,真係覺得幾開心架,

因為o個時日日都去到廁所,

唔洗好似以前咁要飲西"妹"汁先去到...

o個時覺得有左都唔係有o的咩大不了姐,

同平時都係差唔多...

不過依家開始感覺就唔同左好多,

身體體型就一定唔駛講啦,

依家好似連胃口都有唔同到,

唔知係唔係因為個肚開始大,

每次食少少都會好快飽,不過又會好快肚餓返....

可能大肚婆係要小食多餐掛~~

**********************************************************************

距離我擺酒o既日子啱啱好得返半個月,

其實所以野都預備得七七八八,

原本諗住等過左大禮先派帖比同事的,

但爸爸o的同事又要就間期,所以早左半個月派..

其實幾時派我覺得冇所謂囉...

只不過尋日我問左我o的同事,有邊個17號o個日係會到,

唉~~個個都話有事黎唔到....

講真,雖然我唔係想請佢地o既,

不過都派左帖比佢地,預左佢地o的位,

但佢地又冇一個人會到喎~~

比著任何人都會唔開心啦.....

算~~我依家諗下仲有咩人可以請~~~~!!