今日已經去到7號喇,

仲有10日我就要擺酒喇~~~

其實今個月真係好多野會發生,

第一樣就係爸爸媽咪係呢個月生日啦...

爸爸生日仲係o係我攞酒當日添~~(唔知算唔算係隻喜呢?!)

第二樣就係我個好朋友今個月會經曆女人最痛o既一關,

就係生仔喇...

原本佢o既預產期係3月14號架,

我3號o個日仲約左佢一齊出去女青添...

不過我4號晚o係msn同佢妹妹傾計時,

佢妺妹話佢4號朝早就入左院,11點幾就生左個B出黎喇~~!!!

我聽完都覺得乜咁快就生左?!

我一直以為只係o係預產期前後5日左右生,

真係冇諗過佢會係早左10日就生得呀....

佢生完第二日,我叫左阿ming買o的野過去探佢,

仲有記住要同個B影返張相,

因為阿欣奶奶話我唔好去見佢BB住喎,

怕BB見到大肚婆會難湊喎~~

不過冇所謂啦,最梗要係BB同阿欣都冇事,

幾時可以見到BB,哈~~實有機會o既~~~~