今日出完香港(當然係做公司野啦~!!)返到聯和墟,

遇到個朋友,佢問我預產期係幾時,

我答左佢係8月6號,同埋我同佢講左我會做埋7月唔做....

當佢聽到我話做埋7月唔做,佢就問我係唔係自己話唔做,

我話我係同我老細(即係黃小姐)傾過,

黃小姐講過我如果想做埋7月唔做,

o係6月尾就要比辭職信佢...當時我應承左~~

跟住我朋友話:你唔好咁蠢呀,佢叫你比辭職信佢,

咁即係你自己話走,你老細佢地有權唔比產假o既錢你架....

我答:我同佢之前已經傾好左,我諗佢應該唔會咁差,連呢少少都唔比返我掛~~

之後跟朋友繼續傾計,

大多係圍繞公司裡o既事....

不過依家o既我,最多都只係做o的行行企企o既工作,

其他o既老細都唔多要我做,所以想我講到其他野出黎,

真係幾難囉~~

放工返到屋企,我都有為呢件事而唔開心,因為我唔係太相信我老細會咁對我,

但又唔可以唔質疑會發生呢o的事喎~~

唉~~不過呢o的事真係唔輪到我去理,或許再諗諗有咩可以再保障返自己先~!!