唔經唔覺五日假期就咁就放完左喇~~!!

五日裡面,我用左三日黎休息,

足不出戶,只係o係屋企訓、食同睇電視~~!!

而星期六、日我地就過得好充實~!

星期六,上晝未夠9點比媽咪嘈醒,

佢話爸爸買左好多薑返黎,應該係比我地薑x的....

所以叫我今日同爸爸飲茶,唔好放五日都冇一日過去搵佢地~~

唉~佢咁叫到,我可以唔去咩?!

同爸爸飲完茶,我同阿ming就去左大埔睇BB用品,

不過最終我地一樣bb野都冇買到,

只係買左張床,一張上面係比人訓覺,下面有衣櫃同書枱o既床~!!!

講真,張床真係唔係貴,仲係幾實用添~~!!

可能由於我體重開始增多o既關係,

由2點行到5點幾6點,對我黎講真係有點辛苦,

對腳感覺有o的唔係自己咁~~~返到屋企食過飯後,好快我就去左訓了~!!

星期日,我地大約9點半起身,

因為我地要返左元朗,見simpson、cow cow同埋幫佢地剪毛....

我地入到元朗,首先係飲個茶,食o的野先~

之後再去千色行下,睇下BB野~

我地睇中左張bb床,不過都係行多幾處先下決定買定唔買~

行完幾到地方都睇唔啱床仔,

我地決定下次先再算,再睇下先決定買唔買好~

同埋我地要趕住返去同o的狗剪毛~

原本諗住叫外買返去食o既,不過佢阿媽話叫返黎食價錢都係差唔多,

不如我地出去行下睇下有乜食仲好~~!!

出到去開頭佢地話想食韓燒,不過冇位,

所以我地就去左下面間酒樓食飯....

間酒樓o的野比以前難食左好多,

佢地下次一定唔會再黎呢間食野喎~~~~

*************************************************************

就係咁,我就過左我五日假期喇~~!!