今日係我老公大人o既32歲生日,

原本諗住今日同佢兩個人出去食飯...

不過佢話佢阿媽請佢食飯,當係慶祝佢生日喎,

雖然佢阿媽話請佢姐,但佢都要問過我先敢應承佢阿媽~~

今晚我地會入元朗食韓燒~都好耐冇食過喇~

自從o係上次未搬之前食完之後...

我地都冇多除錢去食得咁奢侈o既野~~今次有人請,冇所謂啦~~!!

******************************************************************************

o係早個幾月前,我同事同我講佢應該過埋3月,

就會同公司講佢唔做...

我問佢點解,佢話想嘗試多o的唔同o既工種,

令自己見o既野and學o既野都可以多o的~~~!!!

其實我都好讚同,因為我同事佢都算係初出黎做野,

佢啱啱o係英國讀完書返黎香港,

而且年紀又唔係大,真係唔會怕搵唔到野做架~~!!

呢排我見佢好似好多神秘電話,

所以o係尋日我多口問左句:「你係唔係打算繼續留o係公司做呀?」

我問呢句係因為我覺得我同事其實已經搵到第二份工,

不過我又冇實質野去問係唔係喎~所以就用左呢句做開場白喇~~~!!!

同事同我講,佢兩個星期前已經去左見工,

係一份銀行工,前途當然會比起依家呢份工更好啦~~!!!

我坦白咁同我個同事講,其實我都打算唔做架喇,

到我去到要放產假,我就會同公司講放完產假我就唔會再返黎公司,

會係做全職主婦架喇~!!不過其實我都唔知放產假算唔算我仲返梗工,

因為我走都要有一個月通知架,如果產假唔當係返工,

咁到時我又要唔要返黎返多個月呢??