自從mandy走左之後,

公司都不停有登招聘廣告~~

頭一次登o係勞工處,我睇過佢登出o既要求同職位,

其實並唔係一個好吸引人去做o既工囉~~

就算人工有返咁上下o既我都係咁話呀~!!!

第二次佢地登o係jump,呱~!登o係jump原來好貴架,

要成幾千蚊架,不過好可惜都係冇人個人啱.....

到左第三次,黃小姐又係登返勞工處,

不過今次個職位名就改為跟單文員...

果然真係有多o的人黎見工,會send e-mail黎o既都有成十幾封,

我都有開過o的e-mail黎睇,裡面o既求職者大多都初初出黎搵工做o既人,

其實同黃小姐要求o既仲差好遠距離...

今日終於有個似返o的樣o既人黎見工,

佢係個中年男人,身村並不高大,小肥......樣子當然係唔好看啦~~

不過我見佢入去同黃小姐傾左都算係幾耐喎....佢唔會就係我地o既新同事嘛~~~~

******************************************************************************

另一件都算係大件事,

就係我今日攞到左阿飛單野酒樓o個邊o既口供紙...

哈,我睇完真係想笑,

因為酒樓o個邊個個証人都話聽到阿飛講,

佢係勝和o既,間鋪開一日,佢就會去掃一日喎....

我問潔瑩有冇聽到,潔瑩話只係聽到阿飛講佢o係圍村大,識好多人...

並冇聽過有人講話咩係勝和喎~~~

件事依家搞成咁,阿飛又會唔會真係有事呢?!

佢又係唔係真係咩咩勝和o既人呢??