星期六...又係返工...入柸...

收左工...返過屋企...

再出將軍澳力寶....視察....

之後去沙田....

同LAU SIR 揸車....經大埔....林錦...

上大帽山....條路好恐怖.....懸崖邊.....

之後經城門返沙田....

之後去ALAN度返小組....

夜晚同阿國飲茶....遇見到阿忠,阿華...一齊食...

之後上阿忠家攞碟....最後返屋企...

星期五...又係PACK水柸...

幾好做....

唔經唔覺....收工....

又返屋企....

又買DVD-RW...

去銅鑼灣...幫表妹整機...

再去等HONEY收工....

HONEY超病......

之後去左太湖酒樓食晚飯....

之後坐小巴送HONEY回家...

超快...唔駛半個鐘...銅鑼灣至火炭...

最後返屋企...

本來訓左...但又要起身講電話...又四點...

星期四......好彩知醒....

今日...真係超攰....

一早返左公司....企響度都釣魚....

未夠鐘開工...仲訓左陣...

之後成日包水柸...叫做無咁易釣魚....

其實都幾開心架喇....可以自己不停包下柸...上貨落貨....

到左下晝....都係好眼睏...原因係昨晚真係訓得好少....

到四點幾....

我覺得最恐怖既係自己....PACK完箱....用箱頭筆寫野既時侯.......

明明係要寫送去邊區同埋寫有幾多件......

寫緊果一刻....果一剎那....釣魚...訓著左.....

恐怖既唔係訓著左咁簡單....

係我自己響個盒度寫左HONEY個名落去.....(問心真係好掛住HONEY)

一醒果下先至知......嚇死我....都唔知自己訓左都寫字......好驚...

好彩....無乜人睇到.....應該係得BEN SIR睇到....無乜大礙...

到五點九..收工...

即刻返屋企訓覺...

星期三...又係返工....

今日開始...玩砌水柸.....

早上在貨倉拆貨...再PACKING...

包裝水柸.....無冷氣....好熱...

下午入番寫字樓包...

做到收工......

其實....都幾好.....起碼無乜釣魚....

收左工...叔過屋企....去左深水埔買野...

去銅鑼灣...同表妹....食野....食魚一丁....

格局似青葉....

我覺得都幾貴...而且無和民、板長咁好食.....

雖然唔駛我請...但我都唔打算會再幫襯...

之後上左去佢公司....整射燈同裝個DVD-R....

半夜四點先走.....好攰........

五點回家休息...

星期二........八點返左公司...

如是者.....返工...放工....

收左工....去左九龍灣其士見工....

希望啦....

之後食埋野返屋企....