成年冇出過海釣魚啦! 今日特登請左假去釣魚! 哈哈! 我老闆少左我開工! 嗌哂救命! 哈哈哈!

天未光4點就起身...5點幾食埋早餐就揸車出發啦!  差唔多到西貢布袋澳 打個電話叫船家洪伯起身先!

洪伯一聽電話! 就同我講....今日好大浪! 出唔到遠礁.......下.......咁.........近近地有邊好去呀.........洪伯話得青洲可以上到岸....

唔撚係下化! 青洲.....去10次龜9次既啵..........但係成年冇出過...唉......試試佢啦............

差唔多到青洲既時候...遠望埋去....嘩..你老味丫......天朗氣情.........d浪頭十鳩幾尺高! 嚇鬼呀!!!!!!!!! 係唔撚係呀..........

上到礁......一路開架生! 一路望下有咩好位釣啦! 望左十幾分鍾.........哩次仆街啦.......大浪到岸邊全部位都比d浪炒到白哂.......

釣條毛呀.........唉...上得黎.....照釣啦.....搵左個離水面成2樓高既位黎企......打左幾野粉! 突如其來就成個浪打埋黎.......嘩...我袋粉呀..百幾銀架!!!  乜撚都唔傾捉住袋粉......但係我全身濕撚哂....成袋粉變哂水......屌你老味....................................係唔撚係咁勁呀.......

釣左2個鍾....全海都係(重鱗)....仲要得個2指大......打一野粉落去.....即該見到d魚仔成個波咁圍埋黎.......釣條毛咩....天呀...有冇黑成咁呀......10點鍾頂唔順啦....即該打埋洪伯收工......返上車換衫...同風少諗下有咩計! 難得請左假釣魚! 冇理由就咁算掛.............

好貴d就貴d啦!即該落西貢市再買餌買粉! 飛車返沙頭角上魚排!  12點幾上到魚排又開架生! 魚排內灣風平浪靜! 同早上係青洲完全係兩個世界........好彩今日都起返5條斤頭黑鯛! 風少就起左條2條黑鯛加條青班仔!!!

晚上8點幾返到彩園食飯! 計一計數.....2條友今日洗左成2千銀.....................痴撚線....................以後都係問定天氣先.......((青洲))烈入釣魚禁區! 妁後打死都唔撚再去呀! xyz!^$*&&^!*&^dsfgh!@#(*^