今日10點半起身! 見幾好天!約埋阿jor 阿潮 阿森 阿球去游水!本來富士仔都話想去架!但係諗諗下.....6個人..一架車坐唔哂啵! 如果阿潮揸埋架大benz去.......d油錢同隧道錢咪好很金......所以都係對唔住啦....下次再多d人先啦.......
    唔知點解! 阿森個死路痴! 永遠都唔記得路...每次都要叫佢轉線....下下都叫..不如我揸算啦...終於去到啦!
一開始諗住去大浪灣架! 泊好車行到落去!同上次一樣.....人都冇個.....咁即係又去mk勝地石澳啦.......
   開好哂架步! 搽d太陽油...見到阿森阿球兩個互搽背...基到呢........ 游左出浮台..hea左陣.同阿球又玩返幾個後空番跳水...之後返到架步! 哈哈!唔知點解 !我地上山掘泥! 去游水又係掘沙! 唔掘唔開心!哈哈哈! 鬼死落力!掘個洞深度到我條腰架!!!點知.................我猜輸左........我比人埋.....早知唔掘咁深啦.....!!!埋左成半個鍾...仲要不停比阿球個仆街搞我......我出哂全身既力..終於出得返黎啦................親阿球同阿潮游左出浮台!!!同阿jor 阿森夾計再掘多次! 今次再掘深d!!到我心口架!我地4個人夾手捉左阿球落個洞度埋! 哩條友仔得排骨!完全冇可能出到黎呀!埋左佢成2個鍾呀!嘩哈哈哈哈哈!! 直到佢頂唔順!叫哂救命 !我地先放佢出返黎! 出到黎! 佢訓左係度! 冇哂力郁! 阿球你個仆街仲唔比我報到仇! 玩到6點收工lu......
   晚上10點! 阿冼打比我!佢終於記得帶套back皮比我啦!等左你成個星期啦.....仲話雲X員工喎..收左我$130..冇brake皮..搞到我成個星期唔敢殺個後brake!一陣拖制整壞隻碟就大X樂...$800隻碟呀........攞完對brake皮..黃琪條友仔打比我話出黎...單拖係豬排公園等左佢半個鍾..仲要叫埋周周個仆街出黎.....係豬排公園無啦啦有架惠康車仔! 比周周個pk係樓梯頂衝行飛架車仔落黎!仲要不停大笑!!!成個公園d人都望住哂....唉...心諗!! 快d走人......即該提議去食糖水...食完遊左陣街!就後自回家...嘩成1點鍾...冇彩聽日返工冇咩做!可以蛇王訓教!!! 上網無聊....打篇日記先! 哈哈哈!