7月23日 星期日

我去完旅行返黎啦,好開心呀,我第一日就同呀小朋友同呀浩文食早餐,跟住就去學校集合,我地出發啦,到左目的地後,就去左綠色永記花園參觀,跟住就接惠洲的同學,同我地香港同學去食午餐,我地連一句話都無同佢地傾計?跟住有位呀sir 就講啦,做咩你地唔講野呀,搞大d啦,跟住我地先至傾計,係咪好得意呢?之後我地去左西湖參觀,跟住返酒店食飯,之後仲有聯歡會,我地組組都要想一個天才表演,我地就想好一個表演就係行cat walk,之後我地仲諗左一個隊的名係亂7 8糟,攞左個最佳團結獎,我地幾開心呀,之後嗰幾日去左大亞灣．．樂庭電線廠．．大學．．羅浮山．．褔和紙廠,我仲映左好多相tim,我明天放上去啦,大家係唔係好期待呢?跟住終於返到香港啦,第一時間梗係打比呀聰哥同呀朱樟報平安啦,廢是佢地擔心細佬呀嗎?

我比條笑話大家估下,28/7先可估

有4個人就係森林比人捉左,但係佢同嗰4個人話,如果你地分為2組係森林揾100個生果攞去某一個人的pat pat ,但係唔可以笑,之後有一組就揾到栗子,但係攞到99去個人的pat pat ,就笑啦,當時就係另外一組揾到係咩生果呢?

7月19日  星期三

   今日上班的時候,到左食lunch 的時候,我就send sms比呀聰哥話約4:45pm 係觀塘地下鐵站A出口近apm 等呀,之後send 左比佢唔夠2分鐘就呀聰哥打比我啦 ,我不之幾開心呀,就跟住就打比呀小朋友去唔去啦,最後呀小朋友都唔去,放左工之後,我就立即去地下鐵站搭地下鐵去觀塘!

     下一站係觀塘....我到左觀塘啦 ,唔知我到先呀定係呀聰哥到呢,我就講啦,簡係我到先啦,之後到左目的地,跟住就睇下...原來係我到先,好野,呀哥之後都到左啦,跟住我咪比封信佢low ,呀哥陣間先睇,我地跟住咪行apm ,行行下,我地見到呀Maggie ,我咪同佢say hi,跟住咪走,我地之後去味千拉麵食野,我地叫左野食之後,呀哥就開始睇封信啦,佢睇睇下睇到去"我將來就唔知係唔係可以日日見面啦,因為我呀媽叫我過去Canada讀書呀?所以我想日日都可以你打比我啦!"同埋"凡遇上咩唔開心的事,我都可以開解你的心嫁,而你的心亦都係我的細心同擔心”,” 人間極樂,美妙無窮”我就開始佢好似想喊呀,我個時我都想喊埋一份,但係.....佢問我幾時去Canada讀書呀?.....我地食完野之後咪去左apm 新開的遊戲機中心打機,我地玩得幾開心嫁,跟住我地就走lu,我搭緊車的時候,我真係好想喊又係度諗緊到時我走嗰日,唔知呀聰哥會唔會送我呢?

7月18日 星期二

今日心情好緊張,因為就黎去旅行啦(20/7-23/7),但係我仲未話比呀哥知,我放工之後,返到屋企又出左街buy去旅行的必需品,買野的時候我諗下除左明天無時間比封信呀聰哥,咁我就打比呀哥約佢出黎飲野同埋比埋封信呀哥啦,我今日仲買左大班的冰皮月餠tim ,我係咪傻左呀,咁怏買月餠?買完之後返到屋企就玩computer 我就見到呀朱樟哥係icq online ,咁我就趁有時間同佢講,仲同佢講唔使擔心我,我到時返到香港就打比佢tim ,不之幾開心.我唔同大家講住啦,我明天約左呀哥啦,係喎仲要映相喎,係咁先啦,88

今日係慕光英文書院的大日子(16/6)

我今日的心情太開心,我轉眼間我係慕光英文書院讀左五年,終於今日都畢業啦,今日慕光進行左畢業典禮4:30pm,都幾順利嫁,之後去班級攞畢業證書,未收之前我比左封信呀朱樟哥,好開心呀,呀哥仲話好掛住你呀細佬同擁抱我,朱樟仲擁抱左好耐(大約2分鐘),我好感動low,之後仲同同學映相,大家see see 啦,我仲呀哥(聰)映左好Q的靚相,但係係小朋友的相機呀,小朋友仲未send 比我呀,我好緊張,跟住同呀哥(聰),呀盈,呀小朋友,呀Kam,Cow,去食野漢陽苑,食完之後,跟住就去左呀聰(呀哥)屋企玩,又飲啤酒,我又同左呀哥的狗玩呀,好開心呀,跟住玩到11:45先走,小朋友話我陪埋佢搭地下鐵先至搭bus,好彩頭的我,終於可以搭到尾2個班巴士259D,我返到屋企都係零晨1:00am先返到去wo ,不過呀小朋友都問下我有無車返到屋企呢?