2006 年 10 月 05 日 星期四 【晴】

今日我返左學已經第2日啦
唔經唔覺已經第2日啦~
琴日返學識左個同學叫做呀女既人
今日已經識左1個男同學叫做陳子華
另1個同學叫做嘉寶而另一個叫做秀銀
3個同學都姓陳架唔知點解啦~
不過今日已經好努力識同學
放左學之後就搭巴士去搵Nicole食飯
食完之後我就列席總會..
由8點15分開..開到差不多11點左右
之後我就返屋企lu.......

2006 年 10 月 04 日 星期三 【晴】

今日開始正式返學啦
不過我都未夠鐘返學
所以~我都係唸住打埋篇日記同沖涼先
今日起身既時候收到個好朋友既sms
令到我反思一d野...
個sms內容係
還記得我嗎？
朋友仔要珍惜，唔好因為害怕打擾而不找對方丫，
咁既話，你們的關係就會日漸變差，
最後可能忘記對方！太誇張，係真架，
傳俾你心中既最愛十個朋友再加五個死黨
如果唔係，你地既友誼就會越黎越淡！
最後就梗係要傳番俾我啦！
因為，我唔想同你成為陌路人。

我覺得呢一個sms講得好好
我知道你現在一定好忙
你唔會得閒應酬我
不過我都會默默然支持你
希望你會活得開心.....
因為你永遠都係我最好既朋友同珍惜既人......

2006 年 10 月 03 日 星期二 【晴】

今日終於開學啦~等左咁耐終於番學既日子啦
今日7點45起左身之後傑傑就打電話叫我起身返學
不過佢打電話俾我既時候我已經起左身
打電話俾你既時候屋企電話有故障所以打唔到
之後打到電話俾你既時候你電話唔通
原來我同你同一時間打電話俾對方
之後就打電話俾aDA叫佢起身返學
之後傾左一陣我就去左沖涼洗臉刷牙返學啦
沖完涼我就出食埋爸爸買既早餐
我就出門口啦~個時已經8點35分啦
之後我就搭巴士返學點知早左落車行到好累
返到學校見到好多同學仔..
之後就入左禮堂聽迎新會
聽完就返班房點名講埋少少野就放學
俾我預期中早放學個時都11點啦
等埋ADA放學就去左買文具返學
之後就行左陣就返屋企
我唸住返屋企訓點知冇訓到到
晚上就同小學同學食飯
食完之後就各自回家
我相信我今晚一定會訓得好好
因為我已經很累啦~

2006 年 10 月 02 日 星期一 【晴】

 今日又累又眼訓呀
唔知點解我夠左鬧鐘係9點35我可以10點35先起身
之後11點就去左沖涼...沖完涼繼續睇慳錢家族
睇左陣之後就出門口因為約左nicole12點30中心等
之後就出發去遊行行左好耐又累
第1次咁累之後行完之後今日收到好多中學電話打黎
問我同男朋友既感情...
我響呢到同大家講我同我男朋友已經散左好耐
唔好問我同佢點啦
我同佢性格不合分手既...我唔想再知道你地問我佢既野
唔該....我真係好辛苦唔想再知道或者聽到你地問啦.....
俾d時間我靜下啦~

今日10月1號啦唔經唔覺...
仲有2日我就要返學啦
重番校園既日子啦~~唸起都好開心
不過唔知點解呢排又失眠呀
琴晚就5點先訓到
今晚又唔知幾點先訓到啦~
聽日要去遊行呀
仲要著紅色衫呀.......
今日都係平平無奇咁過...
下午都係同我妹去左m記食野
食完之後去左百佳買野
之後番屋企lu.......
晚上未繼續玩我既msn
之後見到一個好耐唔online既人叫我
佢仲要同我講今日既野
好心你啦~我已經唔想知道啦
你話我知又點即
你想我恭喜你未出聲囉~
d人話係朋友我完全唔覺得你想同我做朋友囉
你講完d野我知~我之後喊wow都唔知點解
既然你都咁樣都得我detele曬你d sms囉
冇野係唔得既~~放心