老母:  返黎啦? 岩岩出左去邊呀?

我: 無，返左IVE拎返張濕鳩畢業證書之嘛

老母: (苦笑) 又唔洗咁講既........ 話晒都讀左兩年

呢段係幾日前同屋企人既對話，話說遲來的畢業證書終於都有得拎

唔知點解，今次真係好想好想快D有得拎，唔係因為好想拎呢張證書去搵工

而係好想攞左張證書之後，再同VTC無任何既關係，大家以後生死不相往來!!!!!!!!

去拎張證書個時，我見到好多其他科既學生都有拎埋畢業袍，個個都開心咁係學校影相留念

但係，我一D喜悅既感覺都無，而且仲有D討厭既感覺。

畢業典禮，我唔會去。所以，件袍我拎黎都冇咩用...

點解我會話係"濕鳩" 證書??  無他既，因為讀得個兩年，其實有幾料大定心知肚明

其實讀呢個高級文憑，都係同呢個社會，同屋企人，同朋友，做左一場劇。

" 啦，雖然我讀唔到大學，但係我都繼續有讀書裝備自己架  "

呢一個大話，可以呃到唔少人，就當買個希望.......因為，我都無撚用架啦

兩年既IVE生活，我從來都感受唔到讀書同所謂既校園生活。

呢兩年黎既每一日，我都活係痛苦之中，冷冰冰既學校，木口木面既師生既關係

不過呢D都唔緊要，反而係屋企人既期望，朋友對我既冷言冷語，佢地對我既嘲笑

呢D先係令我活係痛苦之中。

唯一令我感受到喜悅既，係同班既一班同學，佢地好明白大家既處境，而且有幾個都傾得埋

咩都可以講到，社會大事，人生哲理，連AV大家都可以講一餐 HAHA

呢個或姐係我呢兩年唯一既得著