7月22日，呢日好可能係最後一日可以見到女神 ，因為NF retake考試係呢一日
如果大家順利pass到呢科的話，怕而都冇咩機會可以再見女神一面.
其實retake係一件令人好討厭既事情，因為每一次都係晚上上堂，而且每次都上三個鐘
所以我每一次去堂都覺得係一種痛苦(不如比我重考一次仲好) 。不過，有時D野真係好奇妙.
如果我唔係retake，就無咁既機會去遇到女神，而且仲有幾次機會同女神單獨相處..
所以話，有時塞翁失馬，真係焉知非福，今次真係領略到呢句說話既意思(唔知有冇引用錯呢)
第一次上堂既時候，身邊冇邊個同我熟悉既，即使係有同班既，但係都係唔識既，冇咩兩句
當時我認為今次都係自己一個讀呢一科，點知到第三堂既時候，原來女神都要retake呢一科..
當時佢仲要同我講，第日會搵我，問返呢一科既野以應付考試... 其實之前女神都有retake sem2數學
我個時都有retake呢科，個時同我同班有個傾得埋既同學，同女神原來都係住同一區，所以佢地
就咁就熟左，而我亦因為 "同學既同學" 既關係以熟絡左。
同女神未熟絡之前，我地班男仔其實都有留意到佢，因為佢真係好有氣質，不過就咁睇佢覺得佢好cool
但係同女神熟左之後，原來佢都係大癩大"肺"既女仔，好玩得好多野講，最難得係佢冇咩架子..
由於NF呢一科好有多網絡既理論要明白，同埋要計好多複雜既IP，所以唔係個個都明白D理論同埋計個D IP
女神就係個種典型既女仔，好怕面對呢D 既抽象既理論。 所以，為左令到女神問我既時候，我可以教返佢，
今次我都花左D心機去讀呢一科(當然我本身對呢一科都有D認識，而且唔算太差)
記得有一次呢科要小測，而且要計分，佔成個科既分數都好重，所以女神約左我去又一城到溫書，印象
中好似係我第一次同女性單獨約會。為左令女神可以掌握到考試既技巧，我個日一早起身睇晒D notes 溫好晒書
個日前一晚我仲睇緊世界盃睇到好夜.... 不過為左女神，冇計啦，幾早都要起身. 呢一次既經好難忘，因為竟然會有
女仔肯約我呢D 咁既騎呢怪出去，仲要係去又一城。咁當然啦，女神可能當然只係當我係教佢考試既一個工具.....
不過，就算佢本人真係咁諗，我都冇咩所謂，因為我自己知自己事，約我出去，就係知我對呢科比較熟悉，唔同
貪我靚仔咩......
我以為呢次之後應該都冇咩機會再同女神單獨相處，點知係考試前一日，女神約左我去長沙灣IVE到溫書..
個日我記得溫左好耐，由12點幾溫到去3-4點鍾(我個時未食中午)，溫書期間，女神仲教我用佢既方法去背個D定義
個下場面好攪笑，佢用既方法好特別，而我就係咁一咪死背.... 女神果然有佢既方法。 溫左幾個鐘頭之後，可能佢知道
我仲未食野，所以佢話帶我去食一間好出名既深水埗撈麵檔(上過TVB 我要做老板個節目)，哇，我當時聽到簡直覺得係榮幸呀!!!
竟然可以有機會可以同女神去行街，呢次都係我第一次同女性單獨去行街
女神同我大約行左20分鐘到，期間大家講左好多關於大家既野，女神好健談，咩都講一餐。 原來女神都係
支持德國隊的^^ 不過支持既原因就真係好攪笑，原因係有兩個球員個名似Mario= = 好好笑 女神頓時之間變得好可愛
講講下，原來女神中學個時都係有讀ICT的，而且大家既DSE成績都差唔多，不過女神中英文個D應該係好勁的.
終於行到去目的地，女神請左我食一碗撈麵，當係我報答我掛，不過就真係唔係幾好意思要個女仔請我食野...
所以最後我請佢飲野^^ 食完野之後，女神竟然提出行一陣高盈電腦商場，估唔到女神都會行呢D地方
不過行左一陣，因為好多人所以行左一陣就返左屋企
到左考試個日，我提早左幾個鐘返左學校溫書，期間，女神都不斷whatsapp我，問我野，原來佢係長沙灣IVE溫緊書
之後佢係5點幾個時黎到沙田IVE搵我一齊溫書，之後女神話想考下我背個D定義，所以用左A4紙寫左D題目係到，咁我
做啦，做完之後佢幫我睇，有D題目只錯在串錯英文字，佢即時好似要默書咁，要我串返好個字，哇.... 個一刻真係好窩心..
因為之前真係未試過有女仔咁樣幫我(除左我家姐之外)。個一刻，我真係有D想考試唔好咁快來臨，因為我好想繼續
好似咁樣落去......
到左考試完左之後，女神同我一齊走，期間不斷講返考試入邊個D題目，之後仲做左D好攪笑既野......
就係女神佢同我一齊掉左NF個D notes落去垃圾桶個，女神話係表示痛苦既日子終於要結束，唔洗再retake
最後我同女神搭火車返屋企，係大埔個個站，終於同佢作出道別............
其實我已經好開心可以有既機會同女神相處，以女神既條件，其實佢可以搵到個條件好好既男朋友
以佢個男朋友個位，相信冇可能會係我，係同佢幾次既約會入面，我都有幻想過，如果佢真係我女朋友，會點??
不過呢個想法，好快比我自己打消左。因為我覺得我自己根本唔配，所以一路以黎，我都冇做過D咩野去表示
因為如果我真係講左我既想法的話，可能連見佢機會都冇埋，連朋友都冇得做。所以我好珍惜每一次同佢相處既時刻
呢段回憶，我諗係我讀IVE其中一個最珍貴既回憶，我唔知女神對我印象係點，好可能只係工具一件，好可能
幾個日之後已經唔記得我係邊個，亦唔知之後仲有冇機會可以再見到佢
不過，我會好好記住呢段特別，珍貴既回憶
|
