首先，派中文閱讀卷，嘩...恐怖...我都要出去嗌返啲分返嚟...唉...高b先生仲勁，上堂嗌唔掂，小息同lunch都要去揾miss屈分，佢都真係ok煩下...食完lunch之後嗰堂係physics，miss明唔鍾意佢，仲為咗拎分遲上嚟，搞到放學要揾miss，分又拎唔到，何必呢?今日中文堂我起身出去，佢就即刻彈出嚟 我即時坐返低，原來葉傑(女仔)同陳遠A佢哋都見到... 朝早喺canteen又坐喺我同葉傑(女仔)附近，不過最近我因為要紮頭髮遲咗班車，真難為葉傑了~

P.E.堂要考試了，miss鄭差唔多遲咗成堂至返到...考完啲唔係咁辛苦既嘢之後就要考跑9分鐘...跑得好辛苦...打鐘放lunch我哋仲跑緊...銘見到我哋跑，喺5樓好大聲咁幫我哋打氣~我聽到好清楚佢嗌我嗰名，不過對我一啲用都冇，因為我已經冇晒氣...跑完之後好想嘔，又好暈，成身軟晒，有少少抽筋，嗰口仲好似有啲血味tim...呢９分鐘令好辛苦...食完飯返嚟仲好想嘔+好暈+軟晒，上physics啲人仲要整我...葉傑(女仔)同何耀文講我唔舒服，佢真係唔整我喇~仲叫人唔好嘈我~太好人喇佢哋~~~

放學好返好多~已經唔暈同唔想嘔喇~不過對腳就好痛...