www.xanga.com/pupu_IvY

15-11-2006  星期三

放學要上typhoon既writting course，嘩~嗰鬼婆著得ok sexy lor~好似蘇征咁講，佢真係唔凍唔咁樣著，見到佢即刻有個問題，就是"佢唔凍ga?"，真係可想而知~上嗰個course又學唔到嘢，又無教skills，只係不繼叫我哋嘔篇文出嚟...同埋...睇個鬼婆show胸...

之後落canteen慶祝陳遠A既生日，其實又唔可以話係慶祝既，只不過係大家一齊食蛋糕啫~食完返屋企，唉...做功課...

16-11-2006  星期四

今朝有週會~我覺得嗰講者講得好好呀~完咗嗰陣話有3班要留喺度聽多啲，我同葉傑(女仔)都有同一個諗法，一定係2班form.7，我哋5A應該無死喇呱~點知唔係lor...要返去上2堂a.maths呀...起初朱sir都話帶我哋a.maths group落去聽ga~仲講到似層層咁，我又信以為係真，仲拎晒銀包起定身，點知佢行到去門口又話唔去...呀...比佢玩死...

last一堂係bio，謝同學同敖兄嗌交，差啲打起上嚟tim，雖然敖兄有啲唔arm，但係我覺得謝x鏗都唔應該拎嘢掟人哋啦，衰就衰在佢唔係拎自己啲嘢掟，而係拎人哋啲嘢掟lor...仲掟埋chair tim，呢樣我覺得真係好離譜，嗰陣個個企晒喺度等拗分，敖兄側邊又企咗葉傑同蘇征2個女仔喺度，我又坐咗喺度，佢竟然仲可以拎張chair嚟掟，講真，嗰張chair真係差啲掟中我，發生咩事先~我唔覺得件事嚴重到咁lor，仲要完全唔睇下側邊有啲咩人...真係過分咗啲lor~

放學要返班房測中文...又係文言文...

之後大家一齊練sing con，初時見啲人係咁走係咁走，真係...當初又話要參加，好喇~參加咗又唔嚟...都唔知想點...不過我拎完嘢上到去，都見到有成半班都喺度一齊練~太好喇~咁先似返啲樣ga ma~大家都係5A既一份子~我哋班啲男仔唱得好好笑~好似變咗"老牛"歌咁~哈哈~不過都好肯開聲呀佢哋~

我將幫佢哋練習既職責pass咗比蘇征，但係唔知點解愈搞愈多人咁，耀仔都唔錯~做得幾好~但係我覺得唔需要咁多人一齊出嚟做阿head ga~咁只會搞到好亂...但係佢哋傾完嗰啲計劃我又唔知...搞到今日比miss au問到口啞啞...我係咪應該負責返呢...?

返到屋企好攰...但係仲有好多功課等緊我...

今日經蘇征一問"點解你唔打blog既?"，好!我唔好咁懶!一於打返密啲!

今朝又係好趕咁出門口，出到lift口見到有個阿婆又係出嚟搭lift既，佢行得好好好慢lor，但係我又好趕時間喎...真係有啲衝動想唔等佢閂咗lift門佢，但係又真係好衰...所以都係等埋佢...一出到去又係跑去搭車...

去到oi man巴士總站前一個站，又見到嗰個咁既痲煩阿婆...一上車又喺度鬧人...全車人都望住佢，但係又唔知佢鬧邊個嗰隻...唉...佢嗰孫都扮唔識佢咁濟...

a.maths派卷，唉.新低...但係朱sir都無閙我~仲走嚟問我點~叫我做a.maths唔好咁緊張...short q我竟然唔係好識...但係long q都ok...於是我講"因為我補習教咗~"(類似既說話)，我見佢呆咗一呆...再加埋返到嚟話比媽咪知，得出既結論係:佢以為我話緊佢教得唔好...唉吔...我唔係咁既意思呀...點算...

今日上P.E.，跑9分鐘呀...陰公...平時已經係唔多做運動嗰隻...又突然間做咁劇烈既運動..聽日實痛死我...跑完之後好暈...諗住飲啖水，點知飲完仲衰...想嘔...

今日eng鬼佬堂~discussion~好快完咗~alan tam同蘇征唔知講開啲咩~蘇征彈咗一句"你屎忽就簡單!"都幾粗俗...不過好好笑~企喺側邊既蕭文智又答上一句"佢嗰屎忽梗簡單啦~2舊嘢之ma~"仲做埋手勢，真係笑死人~哈哈~

放學留咗一陣喺學校(真係好一陣)，去補習，等小巴嗰陣撞到wwkit，就一齊落去喇~佢好大方~請我飲嘢，順便幫我拎埋飲管，但係我拎唔穩趺咗落地...佢又走去幫我拎過，佢行到返嚟，就有個食環署既人走嚟同佢講枝飲管，叫佢”汁”返...但係嗰人應該知道枝管係我趺ga...但係話佢lor...搞到我好唔好意思tim...之後側邊啲人望住我哋...我哋都拿拿聲走lu~

嗯~補習又見到嗰靚仔職員~

返到嚟好攰...無咩力...有啲無聊既一日...

form test完喇~今日派咗chi,eng,maths+chem~嗯~唔錯~

今日涼咗好多，有時簡直覺得凍...

晏晝2堂都係chem，真係上得好辛苦...好好好眼瞓...次次上親chem都係咁...係咪chem lab啲燈光問題呢?今日仲用咗少少chem堂既時間嚟開咗班會，大家一齊揀sing con唱咩，其實好多人都無出聲，有陣喺度諗:既然係咁，參加嚟做咩呢?"阿sir又唔鍾意佢無咗啲時間教書，呢個位真係吃力不討好...最後都揀咗首歌出嚟~我哋5A會唱"我們的紀念册"，唔知到時有幾多同學一齊嚟練~

放學去咗上miss to堂~哈哈~好搞笑呀~成堂係咁笑~喺度做mc，係咁a呀~b呀咁~竟然比我聽到有人話"d for cat"喎!?笑死我~唔知係我聽錯定係人哋講錯呢~哈哈~

返到屋企好攰呀~仲要做功課同功課...邊個話form.5無功課!!!呃人ga!!!

總括嚟講，今日無咩事，所以呢一篇係一篇好無聊既日記~

最近愛上咗去補習~因為啲職員好靚仔呀~~~(好似搞到嗰目的唔同咗...)我都算好彩lor~不過無補a.maths lu...見唔到cyrus...聽日放學去補chem~哈哈~除此之外，次次補完習都會自己返屋企，夜晚最多人既時候一個人喺街上行真係別有一番韻味~最近真係癲咗...

XANGA:www.xanga.com/pupu_IvY

今日係halloween~但係一啲應該有既感覺都無...糖係比上年少之又少，得3粒，有一粒係屈蘇征比多粒既~嘻嘻~今日唔單止無feel，而且都無咩人提過今日係halloween，唔...好奇怪...

咁又過咗一個節日喇...迬入11月了...