今日係結業日喔~7點8就返到學校準備練歌，本來琴日練完歌返到屋企唔知點解完全唔記得咗嗰2首歌點唱，但係今朝搭車嗰陣又醒返起點唱喎~真神奇~~~晨早流流喺hall開聲，感覺都唔係好開到，之後落咗操場巡班，巡完之後好唔放心，因為我仲未試咪，所以巡完溜走咗，上返hall，之後啲程序都好快，好好好緊張...一出到去唱嗰陣又唔知做咩竟然無啦啦伸脷...我都唔知自己做咩，總之2首都唱得好細聲。

小息嗰陣miss lee好激動咁走埋嚟係咁話:"你唱得好好聽呀~你唱得好好聽呀~"我成個人呆咗...之後佢又問:"你有冇唱ga?"，下...呢句好有問題喎...唔知我有冇唱又咁講，想點呀!?後尾問返人，原來啲人隱約都聽到我把聲，開學又唱。

之後班務時間，mr.wan訓話一輪，犯眾憎同學又喺度惜啲兒單打人哋，真係...唉...之後自己又唔知嗰死字點寫，又以為自己好得，好串得咁，講埋晒啲痴嘢，激嬲咗mr.wan，之後比mr.wan當住全班噴佢，跟住同學仔們又起哄，佢真係自己攞假嚟丟...救唔到...今朝佢哋呢一男一女又吵交，一日一大交，嗰男既扮晒狗咁撲去嗰女度，之後比嗰女既勁打一餐+2人喺班房破壞一輪，最後放學好返，日日都係咁，公式嚟ga~

放學同葉傑去咗揾miss to，是關8月某2日補課同a.maths撞咗...miss to係咁講，講咗好耐，最後佢自己去咗揾朱sir傾，佢話傾唔掂揾黃副校...好似好大件事咁...之後同alice+銘去何文田食lunch，跟住去咗西九龍中心行，色魔都嚟咗~係咁講笑，笑咗好耐，比佢哋話我白痴...

聽日返學校on duty，中一新生註冊，一啲都唔期待，我只期待中六新生註冊啫~呵呵呵~

琴日全日都係咁瞓覺醒咗又瞓，夜晚就睇世界盃法國vs意大利，睇咗頭嗰4x mins之後就支持唔到...好眼瞓...瞓覺~究竟施丹點解用嗰頭嚟頂人哋心口???

今日成1點鐘至起身...好懶呀..

至衰都係要補課，搞到要由今日開始至到星期三都只係得我一個人喺屋企食飯呀咩都要靠自己lu~夜晚有啲驚...跟住而家又話唔駛補課...個人認為最痲煩既唔係煮嘢食，而係洗碗...諗諗下，乾脆出去食好了...感覺洗完碗之後對手好似好乾咁...

今日好多人打嚟，都好~唔駛咁悶~又唔駛咁驚~

本來聽日要返學校補a.maths，點知又唔駛lu~不過聽日晏晝都要返學校練歌星期三結業日要領詩呀...好驚...原來琴日miss yeun打比我就係講呢樣嘢，仲以為又唔知要做啲咩，所以冇覆佢tim...聽講首歌好似未唱過定咩，好驚唱得唔好...硬係覺得把聲入咗咪之後好怪咁...

今朝好早就要起身去[余近卿中學]，好大雨...好係倒水咁，擔咗遮都濕...f.3嗰啲直頭濕到條裙透晒...我哋學校係最早去到，早成半個鐘有多...跟住坐咗成3個幾鐘就係為咗中途起身講幾句嘢做分享...今日有3個單位既嘉賓:1.謝安先生  2.我哋學校  3.余近卿中學。謝安先生已經有成50年既閱讀經驗，好勁，佢今年60幾歲，但係嗰樣一啲都唔似，我覺得佢似4x歲~同埋佢講嘢好風趣，我一啲都唔覺得悶~之後就到我哋學校喇~我同潘迪詩夾埋一齊起身講，唔駛咁驚，但係都好驚呀~對住成800人喎...初時係佢講先，咁我企喺隔離好唔知點咁...側邊啲攝影師就係咁影我哋，我都唔知望唔望鏡頭好...之後到我講~都好順利，仲好過喺學校早會宣佈~上晏嗰場就係咁加加埋埋一坐坐咗3個幾鐘...pat pat好痛...

本來下晝嗰場cut咗我哋既分享，諗住可以早啲返屋企，點知又要講...又要坐幾個鐘等講嗰句說話...成班閱讀大使食完飯返到去又坐喺度喇...好悶...初時好好奇聽番一樣既說話會有咩感覺~但係真係好悶，完全係悶既感覺，佢下一句講咩都知，坐到我周身唔自在，好辛苦...我哋又講返同一樣既台詞，第2次已經係唔驚喇...就係咁下晝嗰場又坐咗3個幾鐘...pat pat又好痛...

總括嚟講，今日可以話係坐咗成日...悶咗成日...pat pat受罪...

返屋企嗰陣諗住去買啲嘢食今晚睇"野豬"食...點知度度都咁多人...

勁激氣!!!A.MATHS啲時間又唔知點咁，一時又話要補課，一時又cancel，都唔知想點!死人LEO喺msn成日都唔應人，應一句唔得既咩~唔得閒咪講句"我而家唔得閒"lor，駛唔駛唔應人呀，我有嘢問至揾你既啫~真係冇嘢好講，我當你係fd，但我由頭到尾都唔覺得你當過我係fd lor...慢慢已經開始唔想再揾呢個人!

今朝lok同我講話我哋下年又要同高b一班...唉...留班結果出咗喇，lok同鄭國...跟住聽lok講鄭國會轉校，聽完之後唔多唔少都有少少唔開心始終都一班，感覺好似大家又要散咁(雖然平時班入面都唔係好團結好和氣)，總之就唔想啦...咁下年又有幾個repeater喇，而家我咁都有啲唔開心，咁下年我咪仲唔開心!?希望咁既安排對佢哋會有更大既幫助啦~

琴晚9點幾同alice去慶祝阿毛既生日都唔算係慶祝既~我哋都冇同佢一齊食飯，出到去都係影咗貼紙相咁~不過都用咗差唔多成個鐘...琴日晏晝同媽咪去睇鞋，其實之前我都睇咗好多地方都睇唔中，去到都冇自己想要嗰啲，點知返到嚟lok fu竟然比我睇中一對，條件完全符合晒但係媽咪竟然唔比我買好down，"千金難買心頭好"呀~而且都唔係貴，不過後尾都買咗~媽咪真係錫我~

聽日要一早起身去[余近x中學]講讀書會啲嘢，3個鐘呀...悶死lor~聽日要分享讀書會啲嘢，好緊張...不過都係講2句啫~今晚miss應該有打晒比咁多個，可以"縮沙"，唔知多唔多人"縮沙"呢?希望冇人"縮沙"啦~

今日返學校一個鐘到，就係為咗對嗰份咁既成績表，晒時間，派到我嗰陣mr.wan死都唔比我，睇咗勁耐，但係我已經行咗出去，唯有呆咗喺度等佢比，個個就望住我...啲分錯咗。對完仲有時間，mr.wan播埋之前未播完既chem節目比我哋睇，講真，我睇都冇睇過，同金龍各自點緊啲成績表，中途mr.wan走埋嚟好神秘咁揾我講嘢，叫我下年繼續做班長，初時我都唔係咁想，我唔想下年再好似今年咁搞到咁忙，好應該為下HKCEE著想，跟住佢就話:"做班長好呀~第時人哋見到你張成績表，見你3年都做班長，有著數呀~"我心諗"係鬼，F.3我都唔係班長..."但係最後我都應承咗。之後佢仲想我做埋班會主席...有啲....如果我揀唔到嗰人選比佢咁就我做了...佢又同我講:"班會主席冇咩嘢做GA咋~只係做BOARD GA咋~"我諗佢真係唔記得...F.3我咪係班會主席LOR...冇咩嘢做...講笑咩...唔好以為我係小朋友啦，氹2下就咩都話好，我大個女喇，慢慢開始要識諗GA喇~

放學去咗OFFICE交張成績表，差唔多成個OFFICE都係我哋4A既人，因為照理應該係班主任收晒啲有問題既成績表交落去，但係佢叫我哋自己交落去，所以好多我哋班既人。

之後落到去CANTEEN門口，林彩惠甩我同ALICE低!!!又係佢自己前嗰幾日話今日同我哋一齊去食飯行街，因為佢啲FD考得好過佢所以唔想理佢哋，個理由真係...咁應承咗佢喇，佢突然間話要同佢啲FD去唱K...嘈咗好耐，佢又話12點1點到揾我哋，咁我哋嗰啲時間去邊呀?後尾諗住都算，佢都特登留低同我哋講，咁我問清楚佢係咪真係揾我哋，佢又話唔好，又話聽日先...跟住又嘈咗一陣，搞到我又喺度發癲，係咁咇哩叭啦，唉...之後都冇咩意思...放佢走...深信佢真係會打比我哋...點知我哋同陳遠A佢哋食完飯成點佢都冇打比我哋，後尾冇意中撞到佢，都冇理佢...下次都唔陪佢喇...唔幫佢打聽某人啲嘢...

同陳遠A、毛、喵、色魔、ALICE去朗豪坊食嘢，嗰間叫"簡單廚房"，原來嗰個ARTIST郭少芸係嗰度既老闆娘，咁好彩咁早佢就喺嗰度幫手，哈哈~我見到佢先，我初時都唔多覺眼，只係見到有個人又唔係著制服但係又送食物比人，望下望下嗰樣咁熟口面至發現，本來想問佢拎簽名或者影相，但係佢哋話佢都唔出名，唔好喎...咁就算LU...佢後尾又企咗喺我前面，近距離見到佢，仲要好自然咁向前望就得~之後我哋去行咗陣，抽筋呀行到...

聽日又要返學校補課...A.MATHS:9:00-12:00，然後2:00又要返去彩排教城嗰講座，咁嗰2個鐘我應該點過呀?返屋企?返完呢頭又搭車返學呀?行?去邊行2個鐘?唉...