今日喺屋企係咁睇嘢+係咁食嘢，睇睇下金田一，媽咪返嚟喇...禁鐘...嚇死...而家好想嘔...

28-6-2006:

落好大雨，返學校補課(phy)，late咗5mins到...比miss怒睥，但係late半個鐘嗰個又冇事喎，仲同佢講笑...好明顯係我今次phy考得唔理想...如果係既話未免太現實了罷...

29-6-2006:

本來要a.maths補課，不過取消咗，喺屋企係咁追"惡作劇之吻"，真係好好好好好睇呀~睇到我喊...之後又好sweet咁~見到嗰女主角咁真係覺得佢好可憐，偏偏鍾意一個唔鐘意自己既人，唉...之後嗰男主角又鍾意嗰女仔喎~既然鍾意又點解要咁對佢喎...IQ200，高大靚仔，讀書運動咩都得，嘩~條件真係好好~

30-6-2006:

又返學校補phy，今次冇late，AL放榜，啲人都冇咩特別，最特別既係有人暈咗...唔通我上堂嗰樣真係咁呆!?MISS又問咗我兩次得唔得...補完課同ANGIE去旺角行街，等咗半個鐘...不過有2個字係我早到咗~之後去食嘢先~去返嗰間叫"海南粉"既嘢食嘢，不過幫我落單嗰個女WAITER服務態度好差...但係佢對男一枱既態度又好好喎∼angie話因為我哋呢枱冇男仔...之後去睇下鞋買下衫咁，ANGIE比嗰女SALES暗串佢肥...之後佢去買裙，佢問我覺得點，我好坦白咁話嗰條裙好蝦人著，好易著到對腳睇落去好肥而且短，嗰SALES聽到面都黑埋...我都唔敢再多講了...去影咗貼紙相，都行咗好耐+OK多地方，所以我哋對腳都好痛...今日ANGIE教咗我點樣分上圍既CUP數，哈哈~

26-6-2006:第一日派卷，派中英數啲卷，有啲失望，不過算啦~都考咗喇，唔開心嚟都冇咩用，不過有啲ok有信心嗰啲出嚟既就唔係諗咁樣，好似中文作文咁，我都ok有信心下，不過出到嚟就唔係諗咁，miss話我篇嘢有爭議性...果然作文呢樣嘢係好主觀...

放學睇4A同6S打波，都冇話支持邊邊既~見到4A入咗就YEAH，見到6S差啲入到就唉吔咁啦~估唔到下半埸4A竟然可以領先，跟住我就開始企喺6S嗰邊喇，如果佢哋輸咗都好怪下，不過6S都以1分WIN咗我嗰班~

返到屋企好攰，瞓咗陣覺~

27-6-2006:第2日派卷，一開始就哌A.MATHS先，嘩...好驚，都及格~唔駛RETAKE先~不過都好應該注重下呢科~之後就係BIO、PHY、CHEM，BIO真係好痲痲，PHY係最有信心既一科，點知都好痲痲，CHEM就出奇奇地開心~MR.WAN叫咗我同金龍哌卷，我嗰份足足係成大半班，所以我都睇咗大半班既分，覺得自己好衰TIM...咁樣睇人啲分，真係全班都唔知有冇10個合格...好得人驚...而我啲CHEM又唔係真係咁得，都有心理準備，點知我合格呀~哈哈~好開心~之後見到ERIC，同佢講返啲分，點知佢話我CHEM合格都唔應該咁開心，A.MATHS合格就應該開心，感覺一盤冷水潑埋嚟...不過佢又講得正確既~事實上我啲成績係差咗好多既~真係要諗諗佢~

放學開CHOIR嗰會，嘩...開咗成個幾鐘呀...悶死..又熱喎，都唔知點解啲嘢可以講極都講唔完既...最後都係返嚟做埋份財政，突然間至醒返起我好似應承咗MISS上個星期三拎呢份嘢返屋企做，不過我冇咗回事...之後落咗去一陣間就見6S補完課，啲人都準備開波LU~係6S對唔知咩(唔記得LU~)，唉吔..死喇...最後幾比幾已經唔記得咗...之後6S對師生，睇到我勁激動，我都唔知點解我咁咁激動...BIO SIR好勁~6S輸咗好多呀~之後朱SIR話唔打，要轉人入去，我見6S輸咁多就係咁聳"踴"MJ入去，因為我知佢唔掂，唉...我真係好衰呀...竟然咁樣都有...點知MJ入到去竟然仲入咗2球...唉...勁後悔，跟住我就好激動咁係咁話MJ...死喇...我應該係好大聲下...唉...好瘀...聽CHERRY講，我仲好似搞到MJ好唔好意思咁...唉...喺咁多人面前發咗癲...

返到嚟又好攰，一諗起正話睇波嗰陣自己做嗰啲白痴嘢真係想死...

今日考eng oral，因為要做helper，所以要好似平時返學咁既時間返到去...啲次序依然係好亂..

eng oral真慘...其餘嗰3個都係男仔，一開始嗰陣d班嗰個就搶咗開始嗰句嚟講，咁諗住佢應該係ok得下，點知講完之後就冇下文喇...跟住我就係咁講，講到已經冇嘢講，咁就問問題，但係佢哋就一係唔答我，一係就九唔答八咁，e.g.我問"what else can you think of?"佢哋竟然可以答我"i don 't think so."我呆咗望住佢...唔知講咩好...跟住我就開始亂咁講嘢+抓頭...唉...死喇...

跟住做多陣helper就走得喇，喺canteen同銘、陳遠A、毛傾計，之後就出去搭車走，但係我估唔到我可以智障成咁...我竟然可以搭錯車，我竟然搭咗45都唔知，我一路搭一路都覺得奇怪點解佢唔經何文田巴士總站既呢?咁今朝電視有講過話何文田唔知邊度條路爆咗，咁我就以為因為咁而改咗，但係部車竟然轉入去旺角...好奇怪，跟住行出去睇下張嘢，嗰陣至知自己搭錯車...跟住自己一個人喺旺角無無聊聊咁行咗陣，又冇人陪...alice又跟銘佢哋...哼!

返到屋企諗住換件衫食啲嘢同angie去旺角，點知又落大雨，咁就唔去喇...改到下個星期至去，咁就喺屋企做宗教份論文，真難做...不過做完之後好有成功感~

我諗我最近真係有啲問題，今日又搭錯車，呢幾日又將洗頭水當護髮素...我究竟做咩呀???

今日考bio同中文listening，冇咩太特別既嘢。只係考考下bio，唔知邊個既電話響，初時以為係阿高b先生嗰電話響，因為我一聽到聲第一個就望住佢，佢嗰樣既鬼祟塊面又紅咗，所以覺得係佢，而且邊有人咁蠢會容許自己部機考考下試響ga...點知後尾色魔話我知係佢自己部機響...

放學同alice返咗lok fu食嘢，喺麥當勞温書，早知都係返lok fu温就唔揹啲phy返學校再返嚟啦...返屋企拎出嚟好過...搞到嗰書包好重...温到4點幾返屋企，途中經過吉之島，同alice睇咗陣日本美食節，嘩...見到啲好靚既朱古力，但係估唔到係苦味同鹹味既朱古力，奇怪...仲有啲食物模型，愈睇愈得意~好想買多盒~

返到嚟同人傾咗陣msn...之後好down...