19-7-2006  星期三

晏晝又返學校補課(chem+bio)，個miss真係...唉...自己又要講錯...係咁叫我哋計原子，我睇極都唔知佢想點，唔係離子咩!?原來真係佢自己講錯...唉...

20-7-2006  星期四

朝早又補課(phy)，呢個係上年畢業既~我覺得佢教得幾好~

晏晝同葉傑(女仔)一齊去書展~今年得3個hall咋~文具都少咗好多，不過啲書真係好平~我買咗一本，竟然仲有嘢送~同埋影ok多相~

[書展晚黑7點既景]

我諗我哋去到都有4點了，好多人，啲人仲要拖住個"喼"去...係咁阻住人，真係好想一腳踢落去! 有啲職員拎車仔推啲貨出嚟，又唔出聲，通常都會係咁講"小心，小心"之類既嘢ga ma~更何況喺啲咁多人既地方!?佢哋竟然講都唔講，我就喺佢前面，我冇後眼ga!跟住佢就推埋我行了...之後我就講咗句:"有冇搞錯呀!一句唔好意思都冇!咁多人，唔識出聲既咩!"跟住我哋互望，咁係佢唔好呀ma!啲小朋友又係咁推人ga...啲師奶唔會用眼ga，一嘢撞埋嚟...我真係骨都散...

一路行一路同葉傑(女仔)係咁講笑~行行下葉傑(女仔)一手捉住一個男仔隻手，仲以為佢做咩...個男仔又好鬼高，一望原來係佢阿哥，感覺佢阿哥好似又高咗...真係好高...佢見到我哋嗰陣好似見鬼咁...好好笑~

行完都8點幾，搭船返過去尖沙咀，一路搭一路講沉船啲嘢，愈講愈驚...之後去7-11食魚蛋~嗰收銀既...呀...激死我...飛咗兩個人都唔收我錢，我已經企咗喺佢面前，佢見到我怒睥佢佢先求求其其咁講唔好意思!激死!

行咗好耐，好攰...對腳痛死...一路行都有企唔穏既現象出現，好彩葉傑(女仔)喺側邊扶一扶我~同埋我勁講錯嘢，過馬路見到轉燈，竟然講咗:"有車呀~"之後想改返，點知又講咗:"有燈呀~"好有問題呀我...

21-7-2006  星期五

今朝好唔想起身，直頭唔想返學校補課(a.maths)，對腳痛到想死...返到去等咗好耐朱sir至返到...原來佢等咗好耐車，紅磡嗰邊有人跳樓，交通堵晒，其實一個人跳樓影響到好多人，對自己又唔係真係有個解脫喎，真係要三思而後行。

暑假就嚟踏入8月喇，有好多功課都未做，日日都係補課同補課，同返學冇咩分別，跟住又好快9月1喇~返學，中四就係咁過咗...

補完課返到嚟lok fu，又去咗惠康買嘢，又見到嗰個靚仔~今日佢差啲整到我，跟住大家呆咗咁，仲以為佢會講sorry，但係冇喎...呆咗嗰陣我只係係咁望住佢手上既紙皮...真係晒晒...

遲啲同alice同cherry去埋電玩展同漫畫展~一定大開眼界~

今晚終於鼓起勇氣打咗嗰篇"校園生活的苦與樂"比miss，真係好核突...唔出得街，唯有動小小手腳改咗啲，希望miss睇唔出~

17-7-2006  星期一:

晏晝返學校補課(chem+bio)，基本上我同葉傑(女仔)唔多鍾意呢位miss教...明明嗰位師兄做嗰份notes好易明，但係比呢位miss講到好複習咁...啲野又去得好快，深嗰啲又唔講，淺嗰啲就係咁講，特別係bio，照住份notes逐行讀，跟住差唔多句句都話要間，人哋列points ga喎~咁即係都重要啦~咁又間嚟為咩???我唔想我份notes間到無無謂謂七彩咁，睇到眼都花...唔間...希望phy唔係佢幫我哋補...

18-7-2006  星期二

今日要返學校補a.maths，見到搭車咁多人至醒返起今日小六升中一考分班試，返到學校見到好多家長喺度等佢哋啲仔女~

a.maths去得都ok快，鬼咩~之前都唔知cancel咗幾多堂a.maths補課，都ok既~我發現我最近唔知點解好似好自然咁就會駁朱sir咁...今日同佢講講下嘢，我突然彈咗句:"咪傻啦你~"...冇心ga...不過佢都好似feel唔到~哈哈~

返到lokfu去惠康買小小嘢，嘩~見到有個靚仔呀~高大靚仔，白白淨，靚仔得嚟又唔係爛仔咁款，好陽光~哈哈~喺我隔離"汁"嘢~不過可惜呀~咁既條件要喺度"汁汁"抬抬，去做part-time model呀ma~呢啲望一眼就算了~不是我心中的王子~

最近懷念緊小時候啲卡通片~

14-7-2006  中一新生註冊第二日 

今日原本要返嗰啲prefects有12個，但係返得2個，真係覺得好離譜，應承咗mr.chiu都係咁...唔返又唔講咁...好彩我哋約埋一齊返嚟幫手，如果唔係都唔知點...開始嗰一個鐘好悶，因為冇咩人，但係慢慢都多返啲，直到晏晝嗰場都好平均咁有人嚟，同埋又飲咗3包嘢...究竟點解成日都派比我哋飲???喺邊嚟ga???

一得閒就成班prefects又一齊玩一齊傾計，蘇征好致力於整"估"蕭文智係咁拎啲萬字夾整入佢件恤衫入面，仲要整凍啲萬字夾~哈哈~真係好好笑~因為佢一"烏"低身，件衫就離個心口好開下，有洞入~因為咁我哋話佢係"粒"既~哈哈哈~好似嗰啲歡樂天地嗰啲掟彩虹咁~佢個花名就係咁嚟喇~

至於余佬件衫同個心口好貼，所以佢哋玩唔到佢，我哋都稱佢為"平"既~哈哈哈~不過佢係咁比我窒，全場得佢一個係文科，我就用呢點係咁嗌佢"文科人"，咩唔好既崗位都係佢做喇~佢呢個"文科人"好無聊lor~同完在場我嗰班啲男仔講:"你嗰班啲女仔有啲問題~"，跟住又走嚟同我講...無聊極了...

我行過之ma，佢哋呢班咁既人話我成日都笑，又唔知我笑咩咁，咁好笑咪笑lor~唔通喊咩...

得閒嗰陣，ck sir就嚟同我傾幾句，問完我仲學唔學結他之後問我啲a.maths成績，我話唔好講啦，好痲痲~之後佢同另一個老師講起某個畢咗業既人，跟住就同我講:"你聽到嗎?人哋幾叻~"..少跟我在那邊話中有話...又冇教我喎~知幾多?

下晝同c喵睇啲名單，啲人啲名真係...佢哋爸媽係咪同佢哋有仇呀!?啲名真係...

有"少帥"<-----係想佢統領軍隊定想佢靚仔呀?

  "咪咪"<-----真名喎...冇話可說....

  蔡心x<-----成世賣菜心咁...

  蔡x田<-----又菜又田...

  x美媚<-----靚女....

啲名一係好古代，一係就"寒"國人咁...真係咩都有...啲樣又薯薯地咁...真係好好笑~咁樣笑人啲名真係好缺德呀...不過真係好好好笑~哈哈哈~可以話係玩咗成日~笑咗好耐，不過打破唔到紀錄，最高紀錄我係笑咗成2堂冇停過...所以成日比人話我白痴...

中途有個女仔帶住個細佬嚟註冊，發晒妝染咗髪，我愈望愈覺得熟口熟面，後尾醒返起佢係我小學同學，係冇同過班但係識嗰隻，佢應該認得我，但係我冇同佢相認，因為我連佢姓咩都唔記得...何必呢~所以全程都扮唔識算了，反正小學嗰陣都應該同佢唔熟，費事扮晒熟咁問啲好行既嘢...但我記得佢係同alice同過班ga~跟住我帶佢哋去見miss，我見佢喺度陰陰嘴笑，所以我今日同alice同林彩惠講返有呢個人，我同alice揾咗好耐至揾到呢個人叫咩名，講真，好多小學同學啲look已經唔同晒，好似呢個咁，以前係斯斯文文，點知而家搞到嗰look咁...有個曾經一係玩過既就成了TB...

今朝返學校on duty(中一新生註冊)，開頭聽ck sir講解啲崗位要做啲咩，聽到我哋一頭霧水...佢真係好好笑~一開始同何耀文喺門口做接待，啲家長好奇怪...明明hall入面有好多prefect同老師，要問嘢又唔揾佢哋問，行到出嚟問我哋...我哋又唔識答...有一個家長行動唔方便，咁我帶咗佢去搭lift，就係咁樣行一行開，葉傑同佢細佬就嚟咗喇，我都唔知，後尾葉傑出嚟揾我我至知佢哋到咗，葉傑勁唔想同佢細佬同媽咪一齊咁...後尾我行咗入hall巡，佢細佬勁主動同我hi，哈哈~我都唔知比咩反應~

今日我係咁轉啲崗位，又做過門口接待、點文件check身份證、安排座位...成日都等我上咗手就有人嚟同我講話調...今日覺得自己好叻~哈哈~同埋今日唔知點解上下晝都派嘢比我哋飲lor~嗰度已經2包，再加埋食lunch嗰陣又一包，咁飲法得唔得ga!?最慘既就係無人飲緊得我一個飲緊嗰陣比mr.chiu見到...望住我...唔知有冇事...不過佢冇話我...應該冇事呱...

成班人食完lunch早咗返去，圍埋一齊玩"呯嘭嘩"，玩得興起嗰陣啲家長就殺入嚟，又開工喇...晏晝悶好多，好清閑，係咁傾計，今日見到有個男仔好得意，同佢講嘢佢同我笑~之後check佢叫咩名~今日都有啲家長好冇禮貌，miss choi好嬲，之後佢係咁講，家長都咁...最離譜既係竟然有人走嚟問我張form既"name of student"填咩...

總括嚟講今日都開心既~最起碼同我嗰班平時唔多傾計既人close咗，e.g.蕭文智，今日係咁傾計~同埋成班prefect好似更加玩埋~(其實都係同班既)本來聽日要補課(a.maths)，點知又cancel，所以我哋成班人約埋聽日一齊返去幫手喇~希望聽日多啲嘢做，唔駛咁悶~