9-8-2006  星期三

HKCEE放榜，嗯...要返學校on duty，搭車嗰陣心情都ok沉重，係咁諗陣間會係咩情況，坐我隔離嗰男仔全程車都好緊張，係咁雙手握實，睇見佢就真係得人驚...

返到學校仲早，同wwkit喺canteen坐，見到陳家強好忙咁...但係我哋學校嗰啲等放榜既學生就睇落唔多緊張...

今年學校都有ok多原校升返上嚟，理科如果冇記錯都有14個，當中大部份成績都有16分以上，最高嗰個拎22分，文商就唔清楚，因為不是我工作範圍，我只知有個經常溝女既入得返嚟...

下晏就係啲外校生嚟~好興奮呀~我拎住成疊form周圍走，見到有幾個有24分既，不過就再冇返過嚟，有個19分，又游水又田徑既男仔就入咗喇~唔多記得叫咩名，只係認得嗰樣。本來我走落canteen諗住揾人，點知有個女仔問我收唔到電話係咪即係唔得，咁我又唔知，咪問黃瓜愷，跟住佢就叫嗰女仔走lor，仲要勁唔耐煩咁同我講嘢，嘩~啲態度好得佢呀!同佢後尾落去canteen拎form，又同黃瓜愷講起嗰比佢叫走既女仔，跟住又同佢嘈，嘈緊嗰陣，有個好高大既男仔走嚟問我哋借嘢，借完之後勁好禮貌咁雙手比張form我，跟住又好好好有禮貌咁問我嘢，但係我係咁同佢嘈，都冇咩理佢tim，都未睇清人哋嗰樣，激死!

今日聽咗好多老師同老師之間嗰啲對話，大概知道佢哋用咩準則收人，chem同bio有好多人都修，聽到啲老師游說人哋轉選修科目...好衰...miss wong得閒嗰陣走嚟同我傾計，講咗好多會考既嘢，mr.wan講咗2次下年到你，比啲心機，陳家強又走嚟問我同何耀文有冇温bio，哈哈~我哋2個都話冇，比佢話;mr.雷又講咗一個學生啲嘢比我知，初時都唔知佢講咩，應該係話有個學生夠分升，但係佢諗住去第間試下，跟住老師call佢返嚟in，佢就要我哋等佢到2點，大概係咁呱，佢話學校最憎呢啲學生，一定唔會收佢，聽完呆咗...嗰人的確唔好既，咁忘本...

同wwkit,何耀文,x-men.劉俊宇,ccm,黎伯去食lunch，中途撞到蘇征佢哋，食完行返學校途中，撞到嗰低form既男仔，hi咗聲，wwkit係咁問喺邊喺邊，我就話:"走咗啦，等你咩~"可能係我講得快，佢聽錯咗，佢話我講粗口lor...明明冇，係咁話我有，仲周圍同人講話我講粗口!

今日啲嘢太多喇~不能盡錄，不過收穫良多~又可以成班人一齊嘻嘻哈哈~

p.s.1/F係勁多蚊既，比啲蚊咬咗勁好多啖，對腳一舊舊又紅又痕...咦...

10-8-2006  星期四

今日又返學校on duty喇，好攰，有啲唔想返，返到去就係check電腦同監視其他學校啲收生情況，唔知點解要咁做，~11點到就走lu，好無聊，早知瞓多幾個鐘好過，返到嚟瞓咗好耐~

3-8-2006  星期四  3號風球

上晝返完學校補課，下晝同alice去買書，明明出門嗰陣嗰天都光返，而且都冇落雨，點知買完之後就...落到倒水咁...啲風大到...alice把遮收唔到，仲反到爛埋，乾脆dum咗佢，我仲差本chem書喔...太大雨，去咗避雨，見到有間賣日雜既鋪頭，啲日雜有佢鍾意既KAT-TUN同我鐘意既ARASHI~

返到LOK FU諗住坐陣至返屋企，點知喺吉之島撞到6S的人...暗倉佬...又玩咗次冒險遊戲...3號風球出咩街啫!

4-8-2006  星期五  雨

上晝又係返學校補課...[歡樂天地]著黃色衫，[HANDSOME]著黃色褲，佢哋仲要坐埋一齊，襯到絶呀!!!HAHA~晏晝又同ALICE去揾書，我本CHEM書依然係未出...同ALICE喺度閒逛，各自買咗本日文書，佢就豐富LOR~

7-8-2006  星期一  陰

又係星期一，原本都OK鍾意星期一既~但係自從呢個暑假個個星期一都要返去補CHEM+BIO就唔多鍾意了，是關嗰MISS真係...今日返到去比上次更加冇咩人返，我同葉傑(女仔)都夾定咗早走，點知話比MISS知我哋早走，我哋理由都未講佢已經話好了...返到LOK FU去買牛奶飲~

已經睇咗2次"惡作劇之吻"，但係硬係好似冇追惡吻好唔知點咁，擺脫唔到，所以我要睇第3次喇!!!HA~

3號風球

今日一早返學校on duty，好好好眼瞓...唔想起身...返到去成班人喺canteen傾計同玩，要趙sir叫我哋上104我哋至識郁~

開始嗰陣冇咩人，行行企企咁，發現咗原來女仔P.E.褲同男仔既有咁既分別，跟住就比賣衫褲嗰啲人話:"你係咪讀呢間學校GA?咁都唔知"，咁讀呢間學校都可以唔知啫，我又唔係男仔，而且點會無啦啦去留意人哋條褲啫~

之後好多人，忙到不得了...感覺自己好似SALE緊衫咁...明明趙SIR叫我跟某2個冇同家長嚟既F.1，突然MISS鄭走埋嚟咩都唔講拉走咗佢哋....

今日比人叫做"阿姨"...我好老咩!?

今日有一個師奶同一個阿婆係咁喺度嘈...嗰師奶不斷鼓吹唔要買大條p.e.褲...理由係"佢驚佢嗰仔上p.e.嗰陣，因為條褲太大，陣間kick親入醫院"，仲行均全場係咁講...但係佢哋係一齊GA WOR~呵...奇怪...係咁嘈，好似喺自己屋企咁...2個嗌交咁款...趙SIR見到都無話可說...賣衫嗰啲人都笑佢哋...晏畫又喺度嘈...終於佢哋既小朋友落堂嚟到喇...咁ARM我又幫佢哋揀衫...勁無奈...嗰阿婆叫佢嗰個細露試條P.E.短褲，要佢臂大腳mou喺度睇下會唔會爆...如果係既話我諗佢入邊嗰條校褲會爆先lor...當然嗰細露唔肯mou喺度啦~阿婆就話:"快啲啦!你唔mou我唔買呀!"，阿婆同細露就嘈起上嚟喇...跟住阿婆嗰細露試緊嗰陣，師奶嗰細露又係咁撩阿婆嗰細露，2個細露又嘈喇...我講緊啲p.e.衫褲嗰陣，嗰師奶又講，2把聲一齊出...好明顯嗰阿婆好比心機聽我講緊，咁嗰師奶又講，嗰阿婆又要駁佢，又嘈...我企喺佢哋隔離直頭無奈到極點...特別阿婆叫嗰細露mou低試下會唔會爆嗰度...賣衫啲人又喺度笑...我隱約聽到佢哋話:"嗰女仔好慘喎~"佢哋買完仲要嘈一餐先走...我都費事理佢哋...見佢哋買完就閃開...呢個世界真係咩人都有...

今日見到上次註冊嗰個好可愛既男仔~跟住嚟緊form.1又有一個日本女仔~嘩~

31-7-2006  星期一

朝早又要返學校聽嗰個miss補課...依然係咁...bio都唔知佢想點，呢版講下嗰版講下咁，但係永遠都唔話比人知佢自己講緊邊度，完全跟唔到佢想點，全場一味佢自己係咁講，咁又係既~因為得佢自己知道自己講緊邊同講緊邊度呀ma~chem又一開波就講錯...佢話Ag係鋁lor...啞咗...佢仲要唔知，聽到人哋問先知...同組既人有好幾個都直頭乾脆唔返，連何耀文都係...估唔到...可能遲啲到我...

比嗰miss dum完一輪時間之後拿拿聲返屋企換衫，同alice+cherry去動漫節，alice特登喺太子補完習返嚟同我一齊去呀~呵~太好~但係cherry竟然話我唔聽佢電話lor...明明係佢打嚟我喂咗聲，係佢自己收線...唔好不如話佢玩電話!?唏!

去到尖沙咀食飯，哈哈~又見到artist~又係無記既~不過呢個都好耐無拍劇lu~唔知佢叫咩名，同埋佢應該都轉咗行，見佢好似喺度同人傾緊保險之類既嘢咁~

食完去搭船，見到有得搭下層就懶醒咁走去搭，點知原來搭錯咗...仲要就到先知...去咗中環，本以為嗰邊有得直接搭去會展，原來唔得喎!?咁又搭返去尖沙咀從新搭一次...估唔到船都搭錯...

去到簡直見鬼咁...明明我哋3個傾傾下計，突然見到眼前一班日本唔知神社裝扮咁既人行緊嚟，成套嘢唔係黑就白，戴個白色假髮，成班都係咁，好似送賓咁，嚇死...見鬼...

喺入邊係咁影相，一入去cherry已經唔見埋人tim...唉...同alice唔理佢...啲嘢旺角都有...但係又要話係自己設計...我諗我最感興趣既都應該係"男兒當入樽"入面櫻木花道同流川楓件波衫~哈哈~真係寫住"陵南"~行行下見到6s的人

哈哈~走嗰陣3個都好攰...cherry就話"有個男朋友咁就好~即刻叫佢揹我~"...係咁講某人lor全程...前幾日毛send佢gf張相比我睇...晒幸福啦啲人...問我靚唔靚...哈哈~唔靚喎~

星期一至五都係返學補課，教chem同bio嗰個miss真係超唔得，成日講錯晒啲嘢，都唔知佢教咩!上一堂上chem就不斷休息，講一陣又休息，返到嚟講2講又休息...chem同bio中間已經有半個鐘休息，佢仲係咁休息同休息...chem人哋唔識嗰啲又唔教，教埋晒啲人哋識既，咁都算，佢仲要複雜化咗....跟本就係返去hea時間...

本來琴日唔多舒服，所以今日都諗住唔返，咁見今日都ok，就返啦，上chem，又係hea咗去...上bio佢講咗至多都係15mins，之後又休息咗5分鐘，返到嚟之後所有時間就係叫我哋做練習，做練習駛唔駛咁多時間呀!?佢跟本就係dum我哋鐘，夠鐘即放...佢都唔知係咪教ga...今日真係返錯去...