26-10-2006  星期四

晚黑要去太子上堂，咁arm係放工時間，地鐵預咗多人，我都已經企到門口嗰度，勁邊位，背住道門企，因為唔想亂咁郁撞到人就唔好啦，道門已經係關到7788，毫無心理準備之下突然有個男人一嘢撞埋嚟死都要入，已經係將我成個人撞開咗，撞咗去隔離嗰人度，佢自己又要比道門夾住咗嗰袋，於是起晒踭咁扯返嗰袋，佢完全理得我死咁，嗰踭係咁批埋嚟，好喇~入咗嚟就唔好亂郁啦，啲人都已經企到密"質質"咁，佢仲死都要入去咁，過咗幾嗰站少咗啲人，我再望下嗰死人阿叔，完來佢一早喺度望住我!哼!賤精!

男人老狗咁樣撞埋嗰靚妹度都離晒譜ga!等下一輪地鐵會死呀!道門明明都已經閉喇，鬼唔望比你人捉，罰你幾千!

27-10-2006  星期五

今日全日係咁比人煩，激到我一肚氣，eng書法比賽嗰張嘢要喺miss走之前交，放學又要做中文嗰文章共賞，只係講喺邊度做已經煩死，我都話咗喺canteen，跟住有嗰要就自己話要喺chem lab做，人哋又未放，又係要等，而且我成份嘢喺locker，咁即係要我走落去拎完走返上嚟啫~跟住又有個就勁唔耐煩咁係咁問我喺邊做，而家我唔煩呀!?組長咁點啫!我有講過話我做咩!?次次都係啲揾苯既嘢組長做，一有咩事就組長組長，我從來無講過要做組長ga!

做完之後拿拿聲要做埋份書法比賽...

返到屋企換件衫落街買嘢，買咗啲文具同喺惠康買咗啲嘢飲，行吉之島返屋企，經過諗住睇下嘢，側邊無人，突然有個好高大既男人企咗喺我隔離，因為我係睇緊啲散紙包仔，突然有個男人喺度怪怪地咁就望一望佢，佢戴住嗰耳塞條線有個位係講嘢既，我望完佢之後佢就行開咗，對住嗰講嘢嗰位講咗句"留意"，咁我都睇完諗住走，一另轉面就見個護衛望住我，其實我都知咩事ga喇...不過我無做過，你要check既話咪check lor~返到屋企話咗比媽咪知，佢話如果佢"守"我身既話佢即刻去嘈佢~嗯~一定要啦~

但係我完全唔知點解佢要懷疑我lor，我成個look明確係落街買嘢，著住對人字拖，袋都無拎，只係揸住嗰銀包，仲拎住2袋嘢，有一袋係惠康既tim~入面有2樽嘢飲，我唔信會有人著人字拖同拎住2袋嘢(仲要係水嚟既)嚟偷嘢lor，走都走唔快啦下話?第1次比人懷疑係小偷...

28-10-2006  星期六

今朝要返學校上physics，自己傻下傻下咁就咗差唔多成粒鐘返到，搭車嗰陣撞到嗰怪女人，無啦啦坐埋嚟教我點讀書，講講下又講咗佢自己啲嘢，我成程車就係咁...

18-10-2006  星期三  第二日運動會

終於都到返我fing旗~不過啲人又想搶lor，而且我發現咗一樣嘢，就係想搶旗既永遠都係啲肥仔，真係好煩lor，如果係因為好攰，你好心幫我fing都話呀~而家係明搶喎!人哋拎住都可以照搶既!?同你又3唔識7喎!自己有自己既崗位有自己要做既嘢，但係偏偏要搶人哋啲嘢，真係好痲煩!自己又要唔知要點做，成日都以為fing旗好好玩咁，是但fing完就得，痴線啦!要啲計時員ready好同埋啲終點裁判ok至fing得ga!我行一行開就搶咗枝旗，跑完返嚟即刻有人走嚟同我講話嗰死肥仔亂fing，真係好痲煩lor!超級認得佢哋呀!

第二日既運動會，跑社際4x100接力，褲又無帶，鞋又有筒既，最後搞到要問人借褲同鞋，的確有啲唔衛生...而且一直都係好混亂咁...唔到最尾嗰刻都見唔到自己啲隊員，咩都無講過，自己跑第幾棒都唔知....上到場跑好似就接棒嗰陣比人追到...有啲...

跑完之後對腳更加痛...

第2日sport day好快完咗...閉幕禮通常都係悶，今年都唔例外，但係今年多咗一種感覺...其實呢種感覺由sport day開始已經有ga喇~有種特別唔捨得同特別珍惜既感覺...感覺自己下年會唔會再參與到呢個運動會，就算係以呢間學校既學生身份參加到，但係我諗到時自己既身份呀身邊既人都唔同咗...所以成日都好唔想sport day咁快到咁快完...唉...突然間好感性tim~

都係因為呢個原因啦~完咗之後仲喺運動場度係咁影相，開始嗰陣發生咗一件小插曲啦~搞到cherry好down咁，其實我都好無奈...

其實呢個運動會都係開心既~

就係咁完咗一個學校生活入面既一個節日/活動，仲有幾多個呢?

19-10-2006  星期四  sport day後假期 

對腳痛死...仲比媽咪係咁攻擊我對就斷既腳...夜晚仲要去太子...

20-10-2006  星期五  退任了+prefect BBQ

prefect生涯最後一日，做prefect都做咗一年喇~雖然唔係啲咩特別嘢，又要成日對住啲壞學生，比人"問候"係家常便飯，不過點都好~咁多prefect一齊受過訓練,一齊去過camp,一齊玩過,etc一打鐘就落去canteen打下"牙臼"，跟住on duty，朝早開咪,巡6s(上年)同(7s)今年etc，感覺已經習慣了，突然之間全部都唔同了，感覺好怪...

今日巡最後一次班喇...再聽住啲新prefects上任了...更加唔捨得...

放學prefect開最後一次全體大會，head pre講咗啲嘢啦~有紀念品啦~仲特登整咗2隻由新上任到而家所影既相整成既"特輯"啦~2隻碟既面都係我哋既大合照~

開完會各小隊就各自準備BBQ既嘢喇~我哋SP同SF真係好得閒呀~只係等啲人返嚟跟住開爐，等緊嗰陣竟然有人問我點解咁少同佢講嘢喎...又話我嗰樣好COOL...好惡咁...真係無嘢講...少同佢接觸咪無咩嘢講LOR，又唔表示啲咩~

因為我係女仔(跟本係SP唯一既女仔)，所以開爐又唔駛我喇~於是成班人坐埋一齊玩啲小遊戲~BBQ B得好辛苦...喺咩位啲煙都係咁攻埋嚟，又好熱咁...可能我著住冷衫呱...有幾次好衰咁叫人幫我燒算了~

一燒就燒咗好耐~燒完成班人又再玩下遊戲影下相咁~9點幾先走呀~等車真係幾得人驚~仲以為會有人陪我等TIM...一個人夜MA MA喺啲咁清淨既地方等車...份外覺得寂寞...

完咗一個運動會又完多一樣喇...又好感性tim...

21-10-2006  星期六  返學校上堂

攰死...但係震咁早又要起身返學校lu~眼見琴日BBQ既地方...唉...我真係太多愁善感同容易對啲事物有感情喇~

今日運動會喇~一方面期待咗好耐~但另一方面又唔想咁快到...因為好驚完咗之後唔會再有...

嗯~今年都係做終點計時~fing旗~不過fing得一啲都唔開心...成日都有人嚟搶枝旗嚟fing...自己有嘢做就唔好搶人啲嘢嚟做啦!而且我咁鍾意呢個工作~不過朱sir比我既感覺好似唔係好想比我fing咁...

經過好多討論之後我嗰班女子出咗我、葉傑、林藹華、蘇征，但係我都無帶褲...唯有問人借。我真係好好好緊張...揸住枝棒係咁攈扭...手都震埋，準備嗰陣佢哋同我講咗都ok多嘢叫我唔好驚，但係我都好驚...仲要見住隔離班啲人有晒釘鞋咁...真係更加怯...而我哋4個無一個係著釘鞋咁pro，上線嗰陣感覺好似得我一個對住啲敵人咁...不過我哋班有啲男仔都有同我打氣既~開頭真係唔知自己跑咩...唉...總之都算ok既個表現~今次我、alice、林彩惠都喺同一個場上比賽，感覺...唔知點形容....

最後我哋女仔都輸咗，我就寄望男仔佢哋，劉晉宇好認真呀~佢哋最後跑得第2名~勁~

望埋f.6,7既班際，真係勁!!!

跑完諗住返去fing旗，點知朱sir比咗嗰肥仔fing，又死都唔比返我...朱sir仲用一個唔知點形容既表情同我講咗一句:"比佢fing埋呢次啦"，見到佢咁既表情，即刻唔想再fing，而且嗰死肥仔都冇諗住比返我，哼...唔fing lor，走去睇人跑!之後返返去，bio sir走嚟問我點解fing fing下唔見咗人...不想作任何回應...

放學cherry同我+alice講佢唔見咗相機既電池同張卡，勁down呀佢~陪佢揾咗陣，之後就出咗運動場出面傾返今日啲嘢。

對腳痛死...嗰鼻紅咗...

我諗今日都算叫開心ga喇~不過如果唔係fong旗嗰度咁我會更開心lor~

超級勁耐冇打日記，唔係我唔想打，而係瞓覺既時間都唔夠，更何況打日記呢~由開學到而家啲功課無停過，多到想死...做唔完咁...啲測驗又跟住嚟，2樣加埋就係嗰"甘"字...有時真係做到嗰頭痛到想死...邊個話form.5無咩功課做ga!?真係要拉佢出嚟打!!!放學返到嚟想瞓一陣都唔得，瞓咗又做唔切啲功課ga喇。今日可算是咁多日當中比較得閒既一日~

上個星期尾放學都喺學校做board，好勁~今次用咗3日就完成咗~其實都唔想做嗰board...都唔開心既...但係又有啲好好好好既朋友嚟咗幫手，e.g.alice啦~佢5D既~都過嚟幫我哋5A整~而且嗰量比我嗰班既人做得仲多~真係好多謝佢~wwkit啦~我知佢唔係好得閒，又要補習，但係一得閒嚟幫手，當初真係冇揾錯佢~何耀文啦~開始嗰陣揾佢佢都唔肯既~但係後來自動自覺嚟幫手~其實我覺得佢哋真係好夠朋友~呢啲先係我應該珍惜，係真係好人lor~

星期六,日就不斷瞓覺...都唔知點解...

今日完全了解咩叫"人言可畏"，真係要銘記於心呀呢句嘢，唔怪得身邊總有啲人話寧願出少句聲啦~呢個世上最得人驚既唔係狼，而係披著羊皮既狼，唔聲唔聲嚇你一驚嗰隻~