今日返到去開咪，明明今日係day2 ma~照理應該係晨讀，點知改咗早會，又冇人話我知，我一講完話上課室，miss wong就喺細教員室衝過嚟，一路大嗌:[今日取消晨讀改早會呀~]，我仲呆緊望住佢衝過嚟，跟住陳國基老師就喺我後面閃出嚟同我講同一番說話，我正想叫啲人唔好上去，mr.chiu就喺另一邊係咁講:[等我嚟等我嚟~]，搞到我幾無奈，又有啲做錯嘢既感覺，真係覺得自己好瘀... 雖則個個都話唔係我既錯，但係真係覺得又瘀又做錯嘢咁...明明我今日上去開咪嗰陣見到mr.chiu，佢仲同我點一點頭，明知我去開咪ga ma，佢又冇同我講...嗚...

早會嗰陣巡6s嗰陣，銘捉咗個女仔，嗯.我知佢叫咩名~叫"維羚"，其實都唔係捉佢，只係叫佢做返好，我記得我都唔係第1次提呢個人，佢啲態度好唔好lor，又串 聰明既都喺早會做返好啦，唔通form.6先比人記好咩...

第一堂上chem，派卷，真係死傷無數，我都唔合格，不過我一啲都唔覺得唔開心，因為啲chem勁既人都係同我差唔多分，大家一齊死咁~都係差小小啫~無需介懷~下次努力吧~Eric話會教我~太好人喇~希望佢唔會食言~不過佢唔係啲咁既人嚟既~

bio本來都會派卷，不過阿sir冇返，喺canteen無聊咗一堂，不過bio卷都係死傷無數...a-maths唔講，唉...

放學上咗chem室做埋份project，都未完全做晒，我覺得我呢個組長都唔知做咩，組員唔想做嗰啲就一定係我做ga...

今日7點幾就起身 8點同alice一齊去尖沙咀先，因為要同埋cherry一齊去港外線碼頭，一路都覺得奇怪點解cherry仲未打嚟呢?果然真係比我哋估中，佢仲喺屋企瞓覺...跟住要等佢嚟，hea咗好耐佢至到...11幾至撘船入長洲...入到去12點幾食飯時間，去揾嘢食嗰陣行過啲賣貝殼既地方，啲貝殼好靚，有啲吹得響，有啲真係聽到聲~又見到一條唔知咩嘢，之後去咗一間個名好不良既餐廳食，因為嗰陣傾緊電話，所以求其揾間話入，不過都ok好味~

食完嘢行下街買下嘢咁~嗰度啲人好好呀~即使你只係睇而唔買，佢都會好好招呼，走嗰陣同你講bye bye，幾好~ 嗰度啲屋好矮，5層都冇，我反而覺得矮啲好喎啲屋~

之後去租單車，租咗部3人既(前面一個踏，後面兩個坐)，部車勁失控，所以即使我同cherry識踏都踏唔到，又唔多夠力，激到租車比我哋嗰個男仔就嚟鬧我哋，但係佢又係咁叫唔識踏既alice踏喎，唔知發咩癲...幾經辛苦我哋終於掌握到點踏，與此同時cherry開始好狼死咁踏，佢竟然走去喺斜坡度衝落嚟，第1次就佢自己，第2次加埋我同alice坐喺後面，都冇咩~第3次又係同一陣形同一陣勢，但係今次我哋衝咗落條渠度... 好彩條渠冇污水我哋又冇受傷，但係側邊啲阿叔見到我哋撞咗落去又唔幫我哋，又講風涼話，嘩~衰得佢呀!還車嗰陣又轉唔到入去還車嗰度，還完之後行過一枱人，我見到啲人對住我哋笑，咁就問cherry，原來頭先呢枱人睇住我哋咁白痴...

之後去咗沙灘，嘩~好正~我都唔知幾耐冇去過，好開心~我同cherry除咗鞋喺度玩，喺度捉啲漂浮喺水面既蟹仔~我哋又玩吹泡泡，一路吹隔離嗰對外國小男孩就係咁接，咁我就係咁吹，佢哋就係咁接，cherry成日都叫佢哋過嚟，但係佢只識講"come,come,come"，但係人哋過到嚟講嘢佢又唔識聽，仲同人哋講"我唔知你講咩呀~"，笑死我~ 後尾我哋玩一個遊戲，就係大家企喺水度，一有浪嚟走鬥快走，點解我哋2個都走唔切，濕咗~之後食甜品，之後就返嚟喇~返到嚟8點幾呀...

今日見到長洲既警車同消防車，好細部呀~最多都係2個人，都唔知夠唔夠水救火...

返到嚟對腳痛死...

呢個假期排得密要做既嘢竟然好似速成咁咁快就完成了，要做既嘢大致上都做晒(除咗功課)，至於eng嗰本exercise就揾唔到，聽講話嗰本嘢冇人買，所以人哋根本唔入貨。呢兩日喺屋企係咁食零食，食到都冇咩胃口食飯lu...

之前去唔成長洲，不過嚟緊呢個星期二同alice同cherry去玩，之前講好咗去離島，最後揀嚟揀去揀咗長洲，機會果然真係會再出現呀~仲估唔到咁快tim~要好好把握~希望可以順利去到，平平安安開開心心咁玩返餐至返學~

星期四返學lu...繼續派卷，phy,chem,bio3科，全班死傷無數，應該冇人呢3科都合格，呢個咁壯觀既場面好快來臨了...

12-4-2006:返學校做board，大致上都做得7788，只要放完假返學校上board就得喇~開心~做得咁快~

13-4-2006:去咗alan tam會所做chem嗰project，做到5點幾，都7788喇~不過之前煩緊好耐點print，因為我哋組既組員一係就冇printer，一係就壞咗...呢個project都好煩下，又唔知佢想做啲咩，理解嗰張指引都理解咗好耐...唔想再出去做喇...好想留喺屋企呀...

今日發現咗個日本網，介紹一啲食物模型，好靚呀~造得好真tim，點解我儲咗咁耐都未見過啲咁靚既呢...唔通要日本至有!?